प्रतिबन्धलगत्तै एक अर्ब डलर बराबरको हतियार इजरायल पठाउने तयारीमा अमेरिका
वासिङटन डिसी : अमेरिकी कंग्रेसले इजरायललाई एक अर्ब डलरभन्दा बढीको हतियार पठाउन चाहेको ह्वाइट हाउसका एक अधिकारीले जानकारी दिएका छन्।
अमेरिकाले इजरायल पठाउने हतियारको प्याकेजमा ट्याङ्क, मोर्टार र बख्तरबंद सवारीसाधन समावेश हुने समाचार एजेन्सी रोयटर्सले जनाएको छ।
हतियार इजरायल पठाउनुअघि यो योजना अमेरिकी कांग्रेसबाट पारित हुन आवश्यक छ।
गत हप्ता अमेरिकी राष्ट्रपति जो बाइडेनले गाजाको रफाहमा इजरायलले आफ्नो सैन्य कारबाही जारी राखेको बताउँदै इजरायलमा हतियारको आपूर्ति बन्द गरिने बताएका थिए।
इजरायलले मङ्गलबार दक्षिण-पूर्वी रफाहमा आक्रमण गरेको प्यालेस्टाइनीहरूले समाचार एजेन्सीले रोयटर्सलाई बताएका छन्।
बमका कारण गाजाका मानिसहरू मरिरहेकोले बाइडेनले गत हप्ता इजरायलमा ९०० किलोग्राम बमको ढुवानी पठाउन रोकेको बताएका थिए।
