रोनाल्डोको ३५औँ सन्तान जन्मियो

भरतपुर  : जङ्गली हात्ती रोनाल्डोको नयाँ सन्तान जन्मिएको छ।  हात्ती प्रजनन केन्द्र खोरसोरमा रोनाल्डोको ३५औँ सन्तान जन्मिएको हो। प्रजनन केन्द्रमा रहेको हिमालीकलीले गएराति  पोथी छावा जन्माएसँगै रोनाल्डोको सन्तान ३५ पुगेको हो।

रोनाल्डोको ३४औँ सन्तान गत शनिवार राति कर्णालीकलीले छावालाई जन्म दिएकी थिई।  प्रजनन केन्द्रमा जन्मने अधिकांश छावाका बाबु रोनाल्डो हो। चितवनमा घरपालुवा भाले हात्ती प्रजनन क्रियाकलापमा सक्रिय नहुने हुँदा जंगली हात्तीको संसर्गबाट ढोईहरु गर्भवती हुने गरेका छन्।

केन्द्रका प्रमुख प्रमुख मनिपुरन चौधरीका अनुसार राति हिमाली कलीले जन्माएको छावा स्वास्थ्य छ। केन्द्रमा हात्तीको बच्चा जन्मनुलाई उत्सवका रूपमा लिइन्छ।  ढोई गर्भवती भएको २२ देखी २४ महिनामा छावा जन्माउने गर्दछन्। पोथी हात्ती गर्भवती भएपछि त्यस हात्तीलाई प्रजनन् केन्द्रमा ल्याएर स्यहार सुसार गर्नुका साथै भेली र चामलको खीर, चना लगायतका पोषिलो खाना खुवाउने गरिन्छ।

केन्द्रमा अहिलेसम्म ६४ वटा बच्चा जन्मिसेकेको छ।  जन्मिएका मध्ये ३५ वटा रोनाल्डोका सन्तान हुन्। यो वर्ष पनि केन्द्रमा थप ८ वटा ढोई गर्भवती छन्।