भिसा दिनु नदिनु अमेरिकाको आफ्नो कुरा – सञ्चारमन्त्री रेखा शर्मा
सञ्चामन्त्री एवम् सरकारकी प्रवक्ता रेखा शर्माले क्रिकेटर सन्दीप लामिछानेको सन्दर्भमा भिसा दिनु नदिनु अमेरिकाको आफ्नो कुरा भएको बताएकी छन् ।
सरकारले सक्दो पहलकदमी गरेको उल्लेख गदै शर्माले अमेरिकाले भिसा किन दिएन, के गरेर दिएन भन्ने बारे आफूले उत्तर दिनसक्ने विषय नभएको बताइन् । अझै पनि सरकारले पहलकदमी गरिरहेको बताउँदै त्यसबारे भविष्यमै थाहा हुने पनि उनले बताइन् ।
दोस्रोपटक अन्तर्वार्ताको अवसर दिएर पनि बिहीबार अमेरिकाले क्रिकेटर लामिछानेलाई भिसा दिन अस्वीकार गरेको थियो । विश्वकप टिट्वान्टी क्रिकेट जुन २ देखि अमेरिका र वेस्ट इन्डिजमा आयोजना हुँदैछ ।
