एक वर्ष अगाडी अमेरिका छिरेका पर्वतका लक्ष्मणको मष्तिष्क घातबाट मृत्यु
न्युयोर्क- अमेरिकाको न्युयोर्कमा बस्दै आएका पर्वतका ४३ बर्षीय लक्ष्मणबहादुर मल्लको मष्तिष्क घात भएर मृत्यु भएको छ । मोदी गाउँपालिका ६,गिजानका मल्ल एक्कासी रिँगटा लागेर भुइँमा ढलेका थिए। लगत्तै उनलाई अस्पताल भर्ना गरिएको थियो । साउथसाइड अस्पतालको भेन्टिलेटरमा राखेर उपचार गरिएको थियो। उनको मष्तिष्क घात भएर मृत्यु भएको अस्पतालले जानकारी दिएको छ ।
गतबर्ष अमेरिकाको न्युयोर्क आइपुगेका मल्लले एसाइलममार्फत अमेरिकाको बसोबासको लागी प्रवन्ध मिलाउँदै थिए । उनका एक श्रीमती, दुई छोरी र एक छोरा नेपालमै छन।
अस्पतालले पार्थिव शरीर प्राप्त गर्नको लागि परिवारको सदस्यको खोजी गरेकाले श्रीमती र जेठी छोरीको अमेरिका आउने भिसा प्रकृया सुरु गरिएको जनाइएको छ ।
