डोनाल्ड ट्रम्पले खोले टिकटक अकाउन्ट, एकदिनमै ३० लाख फलोअर्स
न्यूयाेर्क- अमेरिकि पूर्वराष्ट्रपति डोनाल्ड ट्रम्प सोसल मिडिया प्लाटफर्म टिकटकमा जोडिएका छन् । आफू राष्ट्रपति हुँदा चिनियाँ एप टिकटकमाथि प्रतिबन्ध लगाउने प्रयास गरेका ट्रम्पले अन्ततः शनिबार टिकटकमा खाता खोलेका हुन् ।
टिकटकमा उनको प्रवेश धमाकेदार रह्यो । टिकटकमा आएको केही घण्टामै ट्रम्पका फलोअर्सको संख्या १० लाख पुगेको थियो भने २४ घण्टाभित्र ३० लाख फलोअर्स पुगेका थिए ।
उनको टिकटक अकाउन्ट @realdonaldtrump मा यो समाचार तयार पार्दासम्म फलोअर्सको संख्या ४५ लाख पुगेको छ ।
उनले आफ्नो टिकटकमा अहिलेसम्म एउटा मात्रै भिडियो राखेका छन् । Launching my Tiktok at @UFC 302 हालसम्म ७ करोड २९ लाखले हेरिसकेका छन् ।
