भारतीय वायुसेनाको विमान खेतमा खस्यो
भारतीय वायुसेनाको सुखोई लडाकु विमान मंगलबार दुर्घटनाग्रस्त भएको छ। दुर्घटना महाराष्ट्रको नासिकमा भएको हो।
उक्त विमानलाई विङ कमान्डर बोकिल र उनका सेकेन्ड इन कमान्ड विश्वासले उडाएको अधिकारीले बताए। अर्का प्रहरी अधिकारीले दुवै पाइलट सकुशल बाहिर निस्किएको र सामान्य चोटपटक लागेको बताए।
उनीहरूलाई एचएएल अस्पतालमा भर्ना गरिएको छ।
भारतीय वायुसेना, एचएएल सुरक्षा र एचएएल प्राविधिक एकाइका टोलीले घटनास्थलको अवलोकन गरेका थिए।
