फेडले सन् २०२४ का लागि ब्याजदर कटौती गर्ने सम्भावना न्यून

वासिङ्टन- अमेरिकी फेडरल रिजर्भ (फेड)ले मङ्गलबारदेखि ब्याज दर निर्धारण गर्न दुई दिने बैठक सुरु गरेको छ । बैठकमा नीति निर्माताहरूले व्याज दर कटौतीबारे अझै कुनै निर्णय लिइनहाल्ने अपेक्षा गरिएको छ ।

सङ्घीय खुला बजार समिति (एफओएमसी) ले निर्णय बुधबार दिउँसो प्रकाशित गर्ने बताइएको छ ।

पछिल्लो २३ बर्षको उच्च अर्थात् ५.२५ देखि ५.५० प्रतिशतको बीचमा ब्याजदर वृद्धि गरेको फेडले मुद्रास्फीति दीर्घकालीन दुई प्रतिशतको लक्ष्यतर्फ दिगो रूपमा घटिरहेको छ भन्ने थप प्रमाण नआएसम्म मौद्रिक नीतिलाई सहज बनाउन सुरु नगर्ने सङ्केत गरेको छ ।

फेडको हालैको तथ्याङ्कले मुद्रास्फीति, श्रम बजारमा जारी लचिलोपन, र सुस्त तर सकारात्मक आर्थिक वृद्धिको विरुद्ध अवरुद्ध प्रगतिको मिश्रित तस्वीर चित्रित गर्दछ ।

यसले कटौती कहिले सुरु गर्ने भन्नेबारेमा एफओएमसीको निर्णयलाई जटिल बनाउँदछ । अमेरिकी केन्द्रीय बैङ्कले दरहरू अपरिवर्तित राख्ने लगभग निश्चित रहेको समाचार आइरहेका समय अधिकांश विश्लेषकहरूले अधिक फेड अधिकारीहरूले यस वर्षको लागि अपेक्षित दर कटौतीको सङ्ख्या त्रैमासिक प्रतिशत–बिन्दु कटौतीको औसत सङ्ख्या तीनबाट दुई वा कममा सार्दै घटाउने अपेक्षा गरेका छन् ।

बैंक अफ अमेरिकाका अमेरिकी अर्थशास्त्री माइकल गापेनले आफ्ना ग्राहकलाई पठाएको नोटमा भन्नुभएको छ, “फेडले सन् २०२४ मा दुई पटक कटौती गर्ने हामीले आशा गरेका छौँ ।

मे महिनाको लागि ताजा उपभोक्ता मुद्रास्फीति तथ्याङ्क फेडको निर्णयभन्दा पहिले बुधबार बिहान प्रकाशित गरिनेछ, र विश्लेषकहरूले यसको प्रमुख दर लगभग ३.२ प्रतिशत अर्थात् व्यापक रूपमा अपरिवर्तित रहने अपेक्षा गरेका छन् ।