रोटरी क्लब न्यूयोर्क क्वीन्सद्वारा नयाँ कार्यसमिति चयन, चार पूर्व अध्यक्षहरू सम्मानित

न्यूयोर्क : रोटरी क्लब न्यूयोर्क ‘क्वीन्स’ले आगामी कार्यकालका लागि नयाँ कार्यसमिति चयन गरेको छ। “स्वयं भन्दा माथि सेवा” मुख्य नारा रहेको उक्त क्लबले यस कार्यकालका लागि १५ सदस्यिय नयाँ कार्यसमिति चयन गरेको हो।

सोही अवसरमा आयोजित कार्यक्रममा क्लबले चारजना पूर्व अध्यक्षहरूलाई पनि सम्मान गरेको छ। सम्मानित हुने पूर्व अध्यक्षहरूमा नवराज केसी, खमलाल भट्ट, गुरुदत्त पराजुली, हंशराज जोशी रहेका छन्।

नयाँ कार्यसमिति चयन र पुराना अध्यक्षहरूलाई सम्मान गर्ने कार्यक्रम शनिबार अर्थात २०२४ जुलाई २० मा रोयल ब्यांजन प्यालेस एण्ड बारमा गरिएको थियाे।

चमेली खाती परियार र सुदेस्ना अधिकारीले सञ्चालन गरेको कार्यक्रममा प्रमुख अतिथिमा सोनिया साले रहेका थिए।

रोटरी क्लब अफ न्यूयोर्क क्वीन्स कार्यकारी टोली (२०२४-२०२५) को लागि अध्यक्षमा अर्विन पौडेल चयन भएका छन्।
कर्मा लामा उपाध्यक्ष, चमेली के परियार कार्यकारी सचिव, सुदेस्ना अधिकारी सचिव, छिरिङ डोल्मा लामा कोषाध्यक्ष
विकास पाण्डे  फाउण्डर चियरमा  मनोनित भएका छन्।

त्यस्तै मञ्जु बिष्ट कार्यक्रम अध्यक्ष, दान सिंह बिस्ट सार्जेन्ट-एट-आर्म्स, डा शेखर गिरी बोर्ड सञ्चालक, जीवन बम बोर्ड निर्देशक, पुरुषोत्तम खड्गी संचालक समितिमा रहेका छन्।

साथै दावा शेर्पा सञ्चालक समिति, पासाङ शेर्पा सञ्चालक समिति, डुकार टाशी निर्देशक बोर्ड, विराज रिजाल लेखा सल्लाहकार पदमा मनोनित भएका छन्।

क्लबबाट सम्मानित भएका पूर्वअध्यक्षहरूमा २०२३-२०२४ का अध्यक्ष हंसराज जोशी, २०२१-२०२२ का खाम भट्ट, २०१९-२०२०का नवराज केसी र २०१८-२०१९ गुरुदत्त पराजुली  रहेका छन्।

अथितिका रुपमा न्यूयोर्क मेयरको कार्यलयबाट सुकरानी धनपत आएका थिए। कार्यक्रममा जिल्ला गभर्नर मनोनीत डा लिडियाको पनि उपस्थिति रहेको थियो।