मेटाले पूर्व अमेरिकी राष्ट्रपति डोनाल्ड ट्रम्पमाथिको प्रतिबन्ध हटायाे

न्युयोर्क- फेसबुकको मूल कम्पनी मेटाले पूर्व अमेरिकी राष्ट्रपति डोनाल्ड ट्रम्पमाथिको प्रतिबन्ध हटाएको छ । मेटाले ट्रम्प राष्ट्रपतिको उम्मेदवार भएको बताए ।

यस्तो अवस्थामा उनीहरूलाई पनि सबैजस्तै चुनाव प्रचार गर्ने समान अवसर मिल्ने छ ।  अन्य उम्मेदवारहरूले पनि चुनावका लागि मेटाको प्लेटफर्म ९फेसबुक इन्स्टाग्राम प्रयोग गरिरहेका छन्। त्यसै गरी ट्रम्पसँग पनि यी प्लेटफर्महरू प्रयोग गर्ने अधिकार छ। वास्तवमा, २०२१ मा अमेरिकामा हिंसा भयो र त्यसपछि मेटाले ट्रम्पको सोशल मिडिया खाताहरू प्रतिबन्ध लगाएको थियो।

जनवरी ६, २०२१ मा अमेरिकी संसदमा राष्ट्रपति चुनावको नतिजा अनुमोदन भइरहेका बेला सयौँ ट्रम्प समर्थकहरूले यहाँ हिंसा गरेका थिए। जसमा एक प्रहरी अधिकारीसहित पाँच जनाको मृत्यु भएको थियो । ट्रम्पलाई आफ्ना समर्थकहरूलाई उक्साएको आरोप लागेको थियो। त्यसपछि उनको सामाजिक सञ्जाल अकाउन्ट सस्पेन्ड गरिएको थियो ।

क्यापिटल हिलमा भएको हिंसापछि ट्रम्पले सामाजिक सञ्जालमा १ मिनेटको भिडियो पोस्ट गरेका छन् । फेसबुक र युट्युबले ट्रम्पको भिडियो हटाएको थियो । फेसबुकका उपाध्यक्ष (इन्टेग्रिटी) गाई रोजेनले यो आपत्काल भएको भन्दै ट्रम्पको भिडियोले थप हिंसा भड्काउन सक्ने बताएका थिए ।एजेन्सी