नेपालले जित्यो काभा बिच भलिबलको उपाधि
भुटानको थिम्पुमा शनिबार सम्पन्न काभा बिच भलिबलको महिलातर्फ नेपालकी कमला र मनीषाको जोडी उपाधि जित्न सफल भएको छ ।
उज्वेकिस्तानका खेलाडीलाईलाई २–० को सोझो सेटमा हराउँदै कमला पुन र मनीषा चौधरीको जोडी उपाधि जित्न सफल भएको हो । उनीहरुले २१–१७ र २१–१४ को जितसहित स्वर्ण पदक जित्न सफल भएका छन् ।
पुरुषतर्फ भने नेपालका मानबहादुर श्रेष्ठ र दिलबहादुर सुनारको जोडी उपविजेतामा बनेका छन् । उनीहरु मालदिभ्स ए टिमका खेलाडीसँग २–० को सोझो सेटमा पराजित हुँदै उपाधि जित्न असफल भएका हुन् ।
यस प्रतियोगितामा पुरुषतर्फ १० टोली र महिलातर्फ ७ टोलीको सहभागिता रहेको थियो ।
