नेपाल काभा महिला भलिबलको फाइनलमा, उपाधिका लागि भारतसँग खेल्ने
काठमाडौं । इरानलाई हराउँदै आयोजक नेपाल काभा महिला नेसन्स भलिबल लिगको फाइनल प्रवेश गरेको छ।
त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा मंगलबार नेपालले इरानलाई ३-० को सोझो सेटमा पराजित गरेको हो।
योसँगै नेपालले उपाधिका लागि अब भारतसँग खेल्ने भएको छ। मंगलबार नै भएको पहिलो सेमिफाइनलमा श्रीलंकालाई ३-० को सोझो सेटमा पराजित गर्दै भारत उपाधिनजिक पुगेको थियो।
नेपालले बुधबार उपाधिका लागि भारतको सामना गर्नेछ। इरानले तेस्रो स्थानका लागि श्रीलंकाको सामना गर्नेछ।
नेपालले सेमिफाइनलमा इरानविरुद्ध खेल २५-२१, २८-२६, २५-२० ले आफ्नो पक्षमा पर्यो।
