नेपाललाई हराउँदै बंगलादेश बन्यो च्याम्पियन
काठमाडौँ- घरेलु टोली नेपाललाई ४-१ ले पराजित गर्दै बंगलादेशले दक्षिण एसियाली फुटबल महासंघ (साफ) यु-२० च्याम्पियनसिपको उपाधि जितेको छ।
सातदोबाटोस्थित एन्फा मुख्यालय मैदानमा बुधबार बंगलादेशलाई जित दिलाउन मिराजुल इस्लामले २ तथा पियस नोभा र हुसेन राहुलले १-१ गोल गरे। नेपालका लागि समीर तामाङले एक गोल फर्काए।
नेपालले भुटान र बंगलादेशले साविक विजेता भारतलाई हराउँदै सेमिफाइनलमा स्थान पक्का गरेका थिए।
