सातौँ एटिए एभरेष्ट ग्लोबल नेपाली फिल्म अवार्ड सम्पन्न, क-कसले पाए कुन-कुन पुरस्कार?

न्यूयोर्क: सातौँ एटिए एभरेष्ट ग्लोबल नेपाली फिल्म अवार्ड अमेरिकाको न्यूयोर्कमा सम्पन्न भएको छ। कार्यक्रममा फिल्म र कलाकारहरुलाई सम्मानस्वरुप पुरस्कार वितरण गरिएको छ।

कार्यक्रममा उत्कृष्ट चलचित्र, उत्कृष्ट निर्देशक, उत्कृष्ट अभिनेता/अभिनेत्री सहित विभिन्न विधाका पुरस्कारहरू प्रदान गरिएको छ।

अवार्ड कार्यक्रममा जूरी पुरस्कार प्राप्त गर्ने सिनेमामा ‘टुल्की’ परेको छ। ‘बगान’ सिनेमाबाट उत्कृष्ट अभिनेता सरोज खनाल र अभिनेत्री करिश्मा मानन्धर भएका छन्।

नायिका केकी अधिकारी’स्टार अफ द इयर’ अवार्डबाट सम्मानित भएकी छन्।

अभियान श्री पुरस्कारमा अन्तर्राष्ट्रिय मोडलको अवार्ड आङ्तेम्बा शेर्पाले हात पारेका छन्। अनु शाह, गायक नन्दकृष्ण जोशी, अन्तर्राष्ट्रिय वकिल खगेन्द्र जीसीले पनि यो अवार्ड प्राप्त गरेका छन्।

त्यस्तै गेहेन्द्र धिमाल स्मृति सम्मान पुरस्कार महादेव त्रिपाठीले जितेका छन् भने रामकेशर बोगटी स्मृति सम्मान
डा. घनश्याम खतिवडाले जितेका छन्।

त्यस्तै सातौं एटीए एभरेस्ट ग्लोबल नेपाली फिल्म अवार्ड २०२४ मा NFS अभिनन्दन पुरस्कार अनिल संग्रौला (निर्देशक), सुमन दाहाल (निर्देशक), सूर्य चन्द (मिडिया पर्सन), बिधान कार्की (निर्देशक), सञ्जय खतिवडा (अभिनेता), शंकर बीसी (कोरियोग्राफर), मीना निरौला (गायिका), याम बराल (गायक), सन्दिप क्षेत्री (अभिनेता), गोविन्द राई (कोरियोग्राफर), ऋचा घिमिरे (अभिनेत्री), जयन्ती शेर्पा (मोडेल)ले आफ्नो नाममा गरेका छन्।

सन् २०१६ बाट सुरु भएको यस कार्यक्रमको सातौं संस्करणमा नेपाली चलचित्र निर्णायक समितिमा रवीन्द्र खड्का (संयोजक), शर्मिला मल्ल (सदस्य), नारायण प्रधान (सदस्य), मोहन के. श्रेष्ठ (सदस्य), दुर्गा बिशुराल (सदस्य), सम्मानित अतिथि शम्भुजित बास्कोटा, विशेष प्रशंसा सुनिल पाठक, यात्रा साझेदार zentravels.com रहेका छन्।

अमेरिकाको मेलरोज बलरुममा भएको अवार्ड कार्यक्रमको न्यूयोर्क आयोजक बोर्डमा कृष्ण मल्ल, नवराज श्रेष्ठ, नवराज के.सी, खम एल भट्ट, सुनिल पाठक रहेका थिए।

त्यस्तै सातौं एटीए एभरेस्ट ग्लोबल नेपाली फिल्म अवार्ड २०२४ नेपाली व्यवस्थापन टोलीमा राजेन्द्र के बिसुराल सह-प्रबन्धक , मदु के श्रेष्ठ सल्लाहकार, राकेश खड्का सल्लाहकार, शंकर एल श्रेष्ठ, गोपाल कायस्थ, शिवहरि बैरागी, रोशन के श्रेष्ठ रहेका थिए। त्यस्तै संयुक्त राज्य अमेरिका व्यवस्थापन र सांस्कृतिक टोलीमा महादेव त्रिपाठी, विक्रान्त बस्नेत, बसन्ती राई, शिव बि.के रहेका थिए।

नेपाल चलचित्र समाज टोलीका अध्यक्ष कृष्ण मल्ल, मोहन के श्रेष्ठ उपाध्यक्ष, नारायण प्रधान उपाध्यक्ष, राजेन्द्र के बिशुराल महासचिव, टंकनाथ पौडेल सचिव, शंकरलाल श्रेष्ठ कोषाध्यक्ष, दुर्गा बिशुराल सह-कोषाध्यक्ष रहेका थिए।

त्यस्तै सदस्यहरुमा शर्मिला मल्ल, मदु के श्रेष्ठ, सुनिल कटुवाल, सञ्जय खतिवडा, वाईएल लामा, सुवास खड्का, आरपी पन्त, गोपालकाजी कायस्थ, शिवहरी नेपाल, सन्तोष कार्की, रोशन के श्रेष्ठ, शेखर लामा, किशोर घिमिरे, रवि थापा रहेका थिए।

कार्यक्रममा संरक्षक शोभित उप्रेती, वरिष्ठ सल्लाहकार (NFS)मदनदास श्रेष्ठ, अशोक शर्मा, कृष्ण पाठक, उज्वल घिमिरे, रवीन्द्र खड्का, प्रदीप उदय, घनश्याम खतिवडा रहेका छन्। त्यस्तै नेपाल फिल्म सोसाइटी यूएसए टिममा नवराज श्रेष्ठ,
विक्रान्त बस्नेत, डीपी शर्मा धौराली, राजकुमार काफ्ले, कृष्ण सुनार, प्रमिला कार्की, श्याम भट्टराई, अनिल संग्रौला, महादेव त्रिपाठी, सुनिल पाठक रहेका थिए।

कार्यक्र भव्यताका साथ सम्पन्न भएको कार्यक्रममा सहभागी कलाकारहरुले बताएका छन्। कार्यक्रममा सहभागी हुन् नेपाल तथा अन्यत्रबाट नेपाली कला क्षेत्रका चर्चित हस्तीहरु न्यूयोर्क आएका थिए। कार्यक्रमले मनोरञ्जन, उत्सव र सांस्कृति प्रदर्शन गरेको र दर्शकहरुको मन जितेको आयोजक टिमले बताएका छन्।

कार्यक्रम त्रिवेणी इन्टरटेन्मेन्ट र दिलकुमारी केसी स्मृति फाउन्डेसनको सहकार्यमा ग्लोबल नेपाली फिल्म अवार्डले आयोजना गरेको हो। अवार्ड कार्यक्रममा विभिन्न कलाकारहरूद्वारा मनमोहक कला प्रदर्शन भएको थियो।

अवार्ड आयोजनाको उद्देश्य अमेरिकामा नेपाली फिल्मको प्रवर्द्धन, नेपाली कलाकार तथा अमेरिकावासी नेपाली जनसमुदायहरू बीच प्रत्यक्ष साक्षात्कार गराउनु रहेको आयोजकले बताएका छन्।

अवार्डका अघिल्ला ६ संस्करणहरू कोलोराडो, सनफ्रान्सिस्को लगायत शहरमा सफलतापूर्वक सम्पन्न भएको थियो।