कुम्भकर्ण हिमाल आरोहणका क्रममा अमेरिकी नागरिक बेपत्ता
ताप्लेजुङको फक्ताङलुङ गाउँपालिकास्थित कुम्भकर्ण (जन्नु) हिमाल आरोहणका क्रममा एक विदेशी (अमेरिका) बेपत्ता भएका छन।प्रहरीका अनुसार सात हजार ७१० मिटर उचाइ रहेको कुम्भकर्ण हिमाल आरोहणका क्रममा अमेरिकन नागरिक मिचेल गार्डनर बेपत्ता भएका हुन ।
जिल्ला प्रहरी कार्यालय ताप्लेजुङका प्रहरी निरीक्षक रोहितकुमार शर्माका अनुसार हिमाल आरोहण गर्ने क्रममा हावाको बेगले उडाएर गार्डनर बेपत्ता भएका हुन ।गार्डनर सोमबारदेखि बेपत्ता भएको र बुधबारसम्म पनि उनी फेला नपरेको प्रहरी निरीक्षक शर्माले जानकारी दिए।
ग्राण्ड हिमालय ट्रेक्स एण्ड एक्सपीडिसन प्रालिमार्फत गार्डनर कुम्भकर्ण हिमाल आरोहणमा गएको बताइएको छ।गार्डनर गएको आइतबार लेलेपको घुस्सास्थित शेर्पा गेष्ट हाउसमा बास बसेर हिमाल आरोहणमा गएका थिए।उनको खोजी भइरहेको पनि प्रहरीले जनाएको छ।
