इंग्लिस प्रिमियर लिग फुटबलमा आज ६ वटा खेल हुँदै
न्युयोर्क – इंग्लिस प्रिमियर लिग फुटबलमा आज ६ वटा खेल हुँदैछन् । आज उल्भ्स र साउथह्याम्पटन, वेस्टह्याम र एभर्टन, बेन्टफोर्ड र बर्नमाउथ तथा क्रिस्टल प्यालेस र फूलहम नेपाली समयअनुसार राति पौने ९ बजे खेल्दैछन् ।
त्यस्तै राति सवा ११ बजे म्यानचेस्टर सिटी र ब्राइटनबीच खेल हुनेछ । साविक विजेता सिटी १० खेलमा २३ अङ्कसहित तालिकाको दोस्रो स्थानमा छ । ब्राइटन समान १० खेलमा १६ अङ्कसहित आठौँ स्थानमा छ ।
त्यस्तै आज राति पौने दुई बजे हुने खेलमा शीर्ष स्थानको लिभरपुल र छैठौँ स्थानको एस्टनभिल्लाले खेल्नेछन् । लिभरपुलको १० खेलमा २५ अङ्क छ । एस्टनभिल्लाको समान १० खेलमा १८ अङ्क छ ।
