तेक्वान्दो प्रशिक्षक जगन अधिकारीलाई कुकिवानबाट आउटस्ट्यान्डिङ्ग सम्मान
न्युयोर्क- तेक्वान्दो प्रशिक्षक जगन अधिकारीले विश्व तेक्वान्दो महासङ्घको मुख्यालय कुकिवानबाट आउटस्ट्यान्डिङ सम्मान प्राप्त गरेका छन्।
उक्त सम्मान सिकागो, संयुक्त राज्य अमेरिकामा आयोजित ११५ औं तेस्रो श्रेणी अन्तर्राष्ट्रिय तेक्वान्दो मास्टर कोर्स २०२४ मा उत्कृष्ट प्रदर्शनको आधारमा प्रदान गरिएको हो। प्रशिक्षक अधिकारीलाई यो सम्मान कुकिवान बेल्ट र प्रशंसा पत्र द्वारा सम्मानित गरिएको थियो।
कुकिवान बेल्ट उनलाई बिश्व तेक्वान्दो एकेडेमीका निर्देशक सन ली किम र ग्रान्डमास्टर जे–युन आन (तीन पटकका बिश्व च्याम्पियन र कोरियाली तेक्वान्दो पुम्से राष्ट्रिय टोलीका पूर्व मुख्य प्रशिक्षक)बाट प्रदान गरिएको हो।
सम्मान पश्चात प्रशिक्षक अधिकारीले यो सम्मानले आफूलाई निकै हर्षित बनाएको र तेक्वान्दोको विकासमा अझ बढि मेहनत गर्न प्रोत्साहन गरेको बताए।
