न्यूयोर्कमा लायन्स क्ल्बद्वारा पार्क सरसफाइ
-बेगम पण्डित- न्यूयोर्क सम्वाददाता
न्यूयोर्क : न्यूयोर्क सहरमा लायन्स क्ल्बद्वारा पार्क सरसफाइ कार्यक्रम सम्पन्न भएको छ। न्यूयोर्क स्थित दुई वटा लायन्स क्लबहरु मिलेर पार्क क्लिनिङ्ग प्रोजेक्ट सफलताका साथ सम्पन्न गरेका हुन्।
नोभेम्बर २४ को दिन लायन्स क्लब क्विन्स बुद्ध र लायन्स क्लब क्विन्स के टी एमको संयुक्त आयोजनामा Elmhurst स्थित MOORE HOMESTEAD PLAYGROUND मा भएको सफाई कार्यक्रम भएको हो। कार्यक्रममा सोही क्लबअन्तर्गत पर्ने QUEENS BUDDHA LEO CLUB र GAUTAM BUDDHA LEO CLUB का युवा स्वयंसेवकहरूले उत्साहका साथ सहभागिता जनाएका थिए।
लायन्स क्लब इन्टरनेशनलले प्रत्येक वर्ष पर्यावरण सम्बन्धी विभिन्न कार्यक्रमहरू गर्दै आएको छ।
पर्यावरण शुद्धीकरण कार्य्रक्रमलाई थप उर्जा दिन न्यूयोर्क स्टेट District 30 का Assemblymember STEVAN RAGA पनि उपस्थिति रहेको थियो।
उनले लियो क्लबका स्वयं सेवकहरुलाई प्रशंसा पत्र प्रदान गर्दै लायन्स क्लबले आयोजना गरेको यो पार्क क्लिनिङ्ग परियोजना असाध्यै सराहनीय भएको बताएका थिए।
पार्क क्लिनिङ्ग सकिएपछि लियो स्वयं सेवकहरु District 20 -K1 ले आयोजना गरेको Hunger Relief कार्यक्रम अन्तर्गत फूड वितरण योजनामा Brooklyn स्थित Hanson Place Seventh-day Adventist Church पुगेर फूड प्याकिङ्ग कार्यमा पनि सहयोग गरेका थिए।-
