दन्त विशेषज्ञ डा. सुलोचना गुरुङ सहित तीन प्रभावशाली नारीहरु सम्मानित

न्यूयोर्क- नाेभेम्वर १६ तारिख नारी एकता द्वरा आयोजित Icon of the Year Award 2024 बाट न्यूयोर्कमा नेपाली समुदायका तीन प्रभावशाली नारीहरु सम्मानित भएका छन।

विगत लामो समय देखि न्यूयोर्क लाई आधार क्षेत्र बनाएर विशेष गरी स्वास्थ्य क्षेत्रमा समर्पित रहेर समाजमा विशेष योगदान पुर्याएका समाजसेवी , Essence Smiles का संचालिका एवम् न्यूयोर्कका एक चर्चित ( Dental specialist ) दन्त विशेषज्ञ डा. सुलोचना गुरुङ , जसले स्वच्छ र शान्त वातावरणमा प्रभावकारी सेवा प्रदान गर्दै न्यूयोर्कमा नेपाली समुदायबिच आफ्नो छुट्टै विशेष पहिचान स्थापित गर्न सफल भएका छन।

समाजसेवी एवम् एक सफल व्यवसायी विमला हमाल श्रेष्ठ , जसले पटक – पटक असफल भैसकेको ज्याक्सनहाइट स्थित रहेको नेपाली भान्छा घर रेस्टुरेन्ट लाई स्थापित गराउदै नेपालीपनको मिष्ठान भोजन पस्किदै नेपाली उत्पादन लाई विश्व बजारीकरण गर्न विशेष भुमिका निर्वाह गरिरहेका छन।

समाजसेवाप्रति अत्यन्तै लगाव रहेका समाजसेवी ब्यक्तित्व सुकु राई, जसले न्यूयोर्कमा रहेका नेपाली समुदायमा मात्र सिमित नभै नेपालमा रहेका विभिन्न संघसंस्थाहरुलाई सहयोग प्रदान गर्दै आइरहेका छन । वनको समाजसेवा गर्ने शैली गज्जबको छ, ब्यस्त समयको बाबजुद पनि फुर्सद मिलाएर एकपटक प्रयोग गरिसकेका प्लाष्टिकका खाली बोतलहरु जम्मा गर्दै उक्त बोतलहरुलाई बिक्रि गरी प्राप्त गरेको रकम नेपालको विभिन्न संघसंस्था , दीन दु:खी , अशक्त र असहायहरुलाई सहयोग प्रदान गर्दै आइरहेका छन।

यसरी फरक – फरक क्षेत्रमा रहेर समाजमा पुर्याएको विशेष योगदानको उच्च कदर गर्दै तीन प्रभावशाली नारीहरुलाई नारी एकताले Icon of the Year Award 2024 बाट सम्मान गरेको हो भन्दै नारी एकताकी अध्यक्ष शान्ती गुरुङ ले त्रीवेणी टाइम्स लाइ बताएका छन ।

लकेश श्रेष्ठ, न्यूर्योक सम्वाददाता