गायीका ईश्वरी बरालले लिएर आइन ‘नैना रेशम’
न त जोख्न मिल्छ।
न त नाप्न मिल्छ।।
तिम्रै पिरतिले भरिएको दिल छ।।।
कति माया गर्छु म भन्नै सक्दिन।
ए हो रेशम अरुको म बन्नै सक्दिन।।
माया न जोख्न मिल्छ न त नाप्न नै प्रेमीलाई पिरतीले भरिएको दिल सुम्पिदै, तिमी बाहेक अरुको बन्नै सक्दिन भन्दै गायीका ईश्वरी बरालले नेपाली गीत संगीतको बजारमा ‘नैना रेशम’ लिएर आएकी छन।
तिमी हौँ नसा, तिमी हौ लत, तिमी हौ सबै थोक, तिमी हौ मेरो ओखती पनि तिमी नै दिर्घ रोग जस्ता शब्दहरु उनेर संगीतमा उतारेका छन राजकुमार बगरले। यिनै शब्द लहरीलाई सुमधुर संगीतमा समायोजन गरेका छन नरेन्द्र वियोगीले। उक्त गीतलाई निर्देशक मुस्कान ढकालले दृश्यमा कुशलता पुर्वक उतारेका छन।
उत्तम हुँमागाईंकाे छायाँकन र विकास ढकालको सम्पादन रहेकाे उक्त गीतमा गायीका ईश्वरी बराल संगै स्मारिका ढकाल र शुरेस कोलीको दमदार अभिनय देख्न पाइन्छ।
दुइ प्रेमी प्रेमिका बिचको प्रेमाभावलाई निर्देशकले अब्बल तरिकाले दृश्यमा उतारेका छन भने अभिनय पनि उत्तिकै धमदार रहेको छ।
उक्त गीत ईश्वरी बराल नामको युट्यूभ च्यानलबाट सार्वजनिक भएको छ। उक्त गीतलाई हेरेर सकारात्मक प्रतिक्रिया दिई अन्य गीत निर्माणको लागी हौसला प्रदान गरिदिन गायीका बरालले अनुरोध समेत गरेकी छन।
सञ्चरकर्मी समेत रहेकी बरालले यस अघि माया छ कि छैन, खानदानी छोरी, हरेक रात सपनीमा, नरिसाउन होइ, लगायतका गीत गाएसकेकी छन्।
