मिना बेलबासेको “तिम्रो बोली अघाइन सुनेर” सार्वजनिक
काठमाडौं- नविन घिमिरेको शब्द रहेको तथा लक्ष्मण चापागाईको संगीत रहेको नयाँ म्युजिक भिडियो ‘तिम्रो बोली अघाइन सुनेर’ सार्वजनिक भएको छ।
यस गीतमा लक्ष्मण चापागाई र मिना बेलबासेको सुमधुर स्वर रहेको छ भने गीतको संगीत संयोजन रमेश सञ्चुरीले गरेका छन्। मिक्सिङ तथा मास्टरिङको जिम्मेवारी सञ्जय श्रीपालले सम्हालेका छन् भने रेकर्डिङ गोविन्द ओलीले गरेका छन्।
गीतमा गोपाल देव (बासुरी), धर्म गण्डर्व (सारंगी), शिशिर परियार (सनई), खर्क बुढा मगर (माडल) र सञ्जय श्रीपाल (अक्टोप्याड) जस्ता अनुभवी संगीतकर्मीहरूले आफ्नो कला प्रस्तुत गरेका छन्।
भिडियोको कोरियोग्राफी पवनजंग रोकाया र अंकित क्षेत्रीले गरेका छन् भने निर्देशन समीर रामदमले गरेका छन्।
सहयोगी कलाकारको रूपमा सारद एलजी, विपना सुनार, अनिल पुन, अस्मिता रोका, अजिता श्रीपाली, रिया ठकौरी, अंकित क्षेत्री, र पवनजंग रोकाया देख्न सकिन्छ।
भिडियोको छायांकन महेश महरा एण्ड टिमले गरेका छन् भने सम्पादन तथा रंग संयोजन सुजन कोइरालाले गरेका छन्। गीत तथा भिडियो मिना बेलबासे आधिकारिक च्यानलमार्फत सार्वजनिक गरिएको छ।
