भुवन के पोखरेलको अभिनयमा “मेरै हातको सिन्दुर” सार्बजनिक

न्युयोर्क- काठमाडौंमा एक कार्यक्रमकाबीच “मेरै हातको सिन्दुर” बोलको गीत सार्वजनिक भएको छ। सुरज खनालको सभापतित्वमा सम्पन्न भिडियो बिमोचन कार्यक्रमा जसपाका केन्द्रिय उपाध्यक्ष तथा पुर्व मन्त्री मिर्गेन्द्र कुमारसिंह यादवको प्रमुख आथित्यतामा गीतको भिडियो सार्वजनिक गरिएको थियो।

त्यस्तै विशिष्ट अतिथिमा चलचित्र कलाकार संघका अध्यक्ष मोहन निरौला, सर्जक तथा गायक माेतिराज खनाल लगायत दिग्गज कलाकार तथा सञ्चारकर्मीहरुको उपस्थिती रहेको थियो। प्रमुख अतिथी तथा अतिथीहरुले भिडियोको निर्माण पक्ष तथा कलाकारको ज्वलन्त अभिनयको खुलेर प्रसंसा गरेका थिए। यस्तै निर्माण र अभिनयले नेपाली कला संस्कृतीलाई अझै उचाईमा पुर्याउने उनिहरुको भनाई थियो।

बिनोद दनुवार र सुनिता तिमल्सिनाको स्वरमा रहेको यस गीतको शब्द तथा सङ्गीत सन्तोष श्रेष्ठको रहेको छ। सुरेश थापाको निर्देशन रहेको उक्त गितमा चर्चित मोडल तथा कलाकार भुवन के पोखरेल र लक्ष्मी सुनारको दमदार अभिनय देख्न सकिन्छ ।

मेरै हातको सिन्दुर लगाइ दिने मन थियो ,

गरिवको मन त हो नी न त कुनै धन थियो।

मायालुको हाँसो खुसी धनमा हुँदो रैछ ,

तिम्रो सिउदो पराईले भर्दा मन जस्दो रहेछ,

जस्तो शब्द र संगीत छ त्यसलाई निर्देशक थापाले दृश्यमा कुसलता पुर्वक उतारेका छन। पोखरेल र सुनारको जिवन्त अभिनयले भिडियोलाई उचाईमा पुर्याएको छ।

गरिवीका कारण मन परेकी मायालु आफ्नो हुन नसकेको र उनको सिउदो अरुले रङ्ग्याएको देख्न नसकेको दृश्यमा भावुकताका साथ उतारिएको छ। यस गितमा दिवाकर भण्डरी, सपना कार्की,बिक्रम ठकुरी लगायतको अभिनय देख्न सकिन्छ।

प्रबेश पोखरेलको छाँयाङ्कन रहेको उक्त गीतलाई सुखिन तिमिल्सिनाले सम्पादन गरेका हुन। भिडियोमा अभिनय गर्ने कलाकार हरुलाइ प्रशंसापत्र प्रदान गरि सम्मान गरिएको थियो।

गीत मार्मिक तथा मर्मस्पर्सी रहेको र गितका शब्द र संगीत अनुसार नै भिडियो निर्माण भएको कलाकार भुवन के पोखरेलले बताएका छन । अहिलेका युवाहरुको बेदना पोखिएको गीत हो । निकै मीठो लयमा बनेको यस गीतले दर्शकको मन जित्नेमा आफू ढुक्क रहेको पोखरेलको भनाई थियो।

पोखरेल पछिल्लो पटक चर्चामा रहेको सहरिया बुहारी नामक टेलि सिरियलमा अभिनय गर्दै आइरहेका चर्चित कलाकार पनि हुन । भुवनले अहिलेसम्म ३ दर्जन भन्दा बढी म्युजिक भिडियो तथा बिभिन्न लोकप्रिय टेलिसिरियलहरुमा काम गर्दै आइरहेका छन ।

उक्त गीतको म्युजिक भिडियो बिनोद दनुवार अफिसियल युट्युव च्यानलबाट सार्वजनिक गरिएको हाे।