बागलुङ सेवा समाज अमेरिका न्युयोर्क च्याप्टरको अधिवेशन सम्पन्न, जिबनाथ कँडेलको नेतृत्वमा नयाँ कार्यसमिति चयन
न्युयोर्क- न्युयोर्कमा आयोजित बागलुङ सेवा समाज अमेरिका न्युयोर्क च्याप्टरको अधिवेशन सफलतापूर्वक सम्पन्न भएको छ। वुडसाइडस्थित काठमाडौं फ्युजन रेस्टुरेन्टको सभाहलमा सम्पन्न अधिवेशनले जिबनाथ कँडेलको अध्यक्षतामा नयाँ कार्यसमिति चयन गरेको छ।
नवगठित कार्यसमितिमा वरिष्ठ उपाध्यक्षको रूपमा बिमल हमाल, उपाध्यक्षमा सुजन बस्याल, महिला उपाध्यक्षमा माया देवी पुन मगर, तथा महासचिवमा जीवनदास सुनार निर्विरोध निर्वाचित भएका छन्। सचिवद्वयमा नवराज सापकोटा र अशोक खड्का चयन भएका छन् भने, कोषाध्यक्षको जिम्मेवारी विशाल निउरेले सम्हाल्ने भएका छन्। सह-कोषाध्यक्षका रूपमा प्रभा रिजाल सापकोटा चयन भएकी छिन्। युथ कोअर्डिनेटरको भूमिकामा प्रेम भट्टराई नियुक्त भएका छन् भने सदस्यहरूमा हरी आचार्य, गगन थापा, र कृष्ण बोहोरा रहेका छन्।
न्युयोर्कमा बसोबास गर्ने बागलुङवासीहरूको उल्लेखनीय उपस्थिति रहेको उक्त अधिवेशनमा बागलुङ सेवा समाज अमेरिका महाधिवेशन समायोजन समिति अध्यक्ष गौरिश्वर शर्माले नयाँ कार्यसमितिलाई शुभकामना दिँदै प्रवासमा समेत समाजले जिल्लावासीका लागि निरन्तर सेवा पुर्याइरहेको उल्लेख गरे।
बागलुङ सेवा समाजका केन्द्रीय अध्यक्ष सकस जिसीको अध्यक्षतामा सम्पन्न उक्त कार्यक्रम संस्थाका निवर्तमान सचिव दिपु श्रीष मगरले सञ्चालन गरेका थिए।
