अवैध रूपमा रहेका चिनियाँ नागरिक यौन तस्करी आरोपमा पक्राउ, अमेरिका बाट निष्कासनको तयारी
पोर्टल्यान्ड, मेन – यौन तस्करी आरोपमा पक्राउ परेका एक अवैध रूपमा अमेरिका प्रवेश गरेका चिनियाँ नागरिकलाई अमेरिका सरकारले चीन फिर्ता पठाउने तयारी गरेको छ। ५४ वर्षीय तियान ताओलाई अमेरिकी अध्यागमन तथा भन्सार प्रवर्तन तथा रोकल्याण्ड प्रहरी विभागले पक्राउ गरेका हुन्। उनलाई फेब्रुअरी २० मा ICE को हिरासतमा राखिएको छ, जहाँ उनी निष्कासन प्रक्रियामा रहेका छन्।
सन् २०२३ मा लिङ्कन काउन्टी प्रहरी विभागले सो क्षेत्रमा अवैध रूपमा सञ्चालित मसाज पार्लरहरूको सूचना प्राप्त गरेको थियो। अनुसन्धानको क्रममा ICE लाई सहयोगका लागि अनुरोध गरियो, जसले ताओ अन्य अवैध मसाज पार्लरहरूसँग संलग्न रहेको प्रमाण सङ्कलन गर्यो। सोही प्रमाणका आधारमा रोकल्याण्ड प्रहरीले वारन्ट जारी गरी ताओलाई यौन तस्करी आरोपमा पक्राउ गरेको हो।
हाल उनलाई ICE को नियन्त्रणमा राखिएको छ, र छिट्टै उनलाई चीन फर्काउने तयारी भइरहेको अमेरिकी अधिकारीहरूले बताएका छन्।
