ट्रम्प प्रशासनले नयाँ यात्रा प्रतिबन्धको योजना बनाउँदै, कुन देशहरू प्रभावित हुन सक्छन्?

न्युयोर्क- ट्रम्प प्रशासनले नयाँ यात्रा प्रतिबन्ध (ट्राभल ब्यान) अन्तिम रूप दिन काम गरिरहेको छ, जसअनुसार केही देशका नागरिकहरूलाई अमेरिका प्रवेश गर्न प्रतिबन्ध लगाइनेछ। न्यूयोर्क टाइम्स र रॉयटर्स का अनुसार, यो प्रतिबन्ध राष्ट्रपति ट्रम्पको कार्यकारी आदेशअन्तर्गत लागू गरिनेछ।

राष्ट्रपति ट्रम्पले जनवरी २० मा हस्ताक्षर गरेको कार्यकारी आदेश “संयुक्त राज्यलाई विदेशी आतंककारी र अन्य खतराबाट जोगाउने” शीर्षकमा जारी गरिएको थियो।

उक्त आदेशमा भनिएको छ कि “आतंककारी हमला गर्न चाहने, राष्ट्रिय सुरक्षामा खतरा पैदा गर्ने, घृणास्पद विचारधारा फैलाउने वा आप्रवासन कानूनको दुरुपयोग गर्ने” विदेशीहरूलाई रोक्न आवश्यक छ।

रिपोर्टहरू अनुसार, नयाँ यात्रा प्रतिबन्धले “रेड लिस्ट” मा राखिएका देशहरूका नागरिकहरूलाई अमेरिका प्रवेश गर्न रोक लगाउनेछ। यी देशहरूमा समावेश छन्:

पहिले प्रतिबन्धित देशहरू:
– सुडान
– भेनेजुएला
– सोमालिया
– सिरिया
– यमन
– इरान
– लिबिया
– क्युबा
– उत्तर कोरिया

नयाँ थपिने देशहरू:
– पाकिस्तान
– अफगानिस्तान

* अन्य स्तरको प्रतिबन्ध
– “ओरेन्ज लिस्ट” मा पर्ने देशहरूका नागरिकलाई सीमित मात्रामा प्रवेश अनुमति दिइनेछ।
– “येलो लिस्ट” मा रहेका देशहरूले ६० दिनभित्र आफ्ना सुरक्षा कमजोरी सुधार नगरे प्रतिबन्ध लगाइनेछ।

* वैध भिसा भएका व्यक्तिहरू प्रभावित हुने?
हालसम्म, वैध भिसा भएका व्यक्तिहरू प्रतिबन्धको दायरामा पर्छन् कि पर्दैनन् भन्ने स्पष्ट भएको छैन।

* ट्रम्पले अघिल्लो कार्यकालमा लगाएको प्रतिबन्ध
२०१७ मा, ट्रम्प प्रशासनले मुख्य रूपमा मुस्लिम-बहुल देशहरूका नागरिकहरूलाई प्रतिबन्ध लगाएको थियो।
– इरान, इराक, लिबिया, सोमालिया, सुडान र यमनका नागरिकहरूलाई ९० दिनका लागि अमेरिका प्रवेशमा रोक लगाइयो।
– शरणार्थीहरूलाई १२० दिनका लागि रोक लगाइयो।
– सिरियाबाट यात्रा पूर्ण रूपमा निलम्बित गरियो।

बाइडेन प्रशासनले २०२१ मा पदभार ग्रहण गरेपछि ट्रम्पको यात्रा प्रतिबन्ध खारेज गरेको थियो।

* अमेरिकी यात्रुहरू प्रभावित हुने?
विशेषज्ञहरूका अनुसार, यो नयाँ प्रतिबन्धले अमेरिकाका यात्रुहरूलाई पनि केही असर पार्न सक्छ।
– अमेरिकाबाट यात्रा गर्ने व्यक्तिहरूलाई निशानामा पार्ने वा उत्पीडन गर्ने सम्भावना बढ्नेछ।
– अमेरिकन सोसाइटी अफ ट्राभल एडभाइजरका सीईओ जेन किर्बीका अनुसार, “पूरै देशमाथि यात्रा प्रतिबन्ध लगाउनु व्यापारका लागि हानिकारक हुन्छ र मित्र राष्ट्रहरूका यात्रुहरूलाई निराश बनाउँछ।”
– केही प्रभावित देशहरूले अमेरिकाविरुद्ध प्रतिशोधात्मक कदम चाल्न सक्ने सम्भावना पनि छ।

नयाँ यात्रा प्रतिबन्ध कहिले लागू हुन्छ भन्ने टुंगो लागिसकेको छैन, तर प्रशासनले यसलाई चाँडै कार्यान्वयन गर्ने योजना बनाइरहेको छ।