आईसीई न्युयोर्कले गर्याे निष्कासन आदेशसहित दोषी रोमानियन नागरिक पक्राउ
न्युयोर्क – यूएस इमिग्रेशन एन्ड कस्टम्स इनफोर्समेन्ट (ICE) ले मार्च ४ मा २६ वर्षीय रोमानियन नागरिक डान एड्रियन अगाफितेइलाई पक्राउ गरेको छ। उनी गैरकानुनी रूपमा अमेरिका प्रवेश गरेका थिए र हालै ब्रुकलिनस्थित मेट्रोपोलिटन डिटेन्सन सेन्टरबाट रिहा भएका थिए।
अगाफितेइले अज्ञात मिति र स्थानबाट अध्यागमन अधिकारीको अनुमति बिना अमेरिका अवैध रूपमा प्रवेश गरेका थिए।
फेब्रुअरी २१, २०२४ मा न्यूयोर्कको पूर्वी जिल्ला संघीय अदालतको ग्रान्ड जूरीले बैंक ठगी, पहुँच उपकरण ठगी, र पहिचान चोरीसम्बन्धी १७ वटा आपराधिक अभियोगमा उनीविरुद्ध अभियोग लगाएको थियो। त्यसको एक हप्ता पछि एफबीआईले उनलाई पक्राउ गर्यो, र आईसीईले अमेरिकी मार्शल सेवासँग उनको रिहाइ रोक्न अध्यागमन अनुरोध दर्ता गर्यो।
फेब्रुअरी २७ मा अगाफितेइ बैंक ठगी षड्यन्त्रमा संलग्न भएको आरोपमा दोषी ठहर भए, जसको सजायस्वरूप उनलाई १२ महिना र १ दिन जेल सजाय सुनाइयो। साथै, उनलाई अमेरिका निष्कासन गर्ने आदेश पनि दिइएकाे छ।
हाल अगाफितेइ आईसीईको नियन्त्रणमा छन् र उनलाई रोमानिया डिपोर्ट गर्ने तयारी भइरहेको छ।
