हिक्सभिलमा नेपाली समुदायको विशेष अन्तरक्रिया: अध्यागमन कानून र सामुदायिक एकता

हिक्सभिल, न्यूयोर्क – नेपाली समुदायलाई अमेरिकी अध्यागमन कानूनबारे जानकारी दिने उद्देश्यले नेपाली समुदाय समन्वय समिति अमेरिका (CCNC USA) द्वारा आयोजित विशेष अन्तरक्रिया कार्यक्रम हिक्सभिलस्थित लेभिटाउन हलमा सम्पन्न भएकाे छ।

कार्यक्रममा प्रमुख वक्ताका रूपमा वरिष्ठ कानूनविद् खगेन्द्रध्वज जिसी तथा विशेष अतिथिका रूपमा वरिष्ठ चिकित्सक डा. रेखा हमाल जिसी उपस्थित थिए। समाजका अग्रज तथा विशिष्ट व्यक्तित्वहरू वेदप्रसाद खरेल, महेश खड्का, टक रुवाली, विश्वराज बास्तोला, टिकाराज ढकाल, बसन्त चापागाईं, शंखनारायण प्रजापति, शिव फागू, र विकास रेग्मीले लगायतले सम्बोधन गरेका थिए।

CCNC USA का अध्यक्ष बाबुराम शर्माले कार्यक्रमको अध्यक्षता गरेका थिए भने सञ्चालनको जिम्मेवारी शंकरराज भण्डारीले सम्हालेका थिए। यसै अवसरमा मानार्थ डाक्टर विश्वराज बास्तोलालाई दोसल्ला ओढाएर सम्मान गरिएकाे थियाे।

कार्यक्रममा श्याम मानन्धर, वासु लामिछाने, सूर्य पौडेल, निरज सापकोटा, निर्मल श्रेष्ठ, पम्फा भण्डारी, लक्ष्मी बास्तोला, लक्ष्मी थापा, इलिजाबेथ ढकाल, निशा शर्मा, शिव फागू, शंखनारायण प्रजापति, मोहन क्षेत्री, निर्मल थपलिया, विक्रम केसी, सानु सिलवाल, बिदुर सापकोटा, कृष्ण पौडेल, पूर्ण छन्त्याल, टिका छन्त्याल, सुमन बास्तोला, दामोदर रेग्मी, किस्न पौडेल, सुरेस पौडेल, हरि पौडेल, देवेन्द्र सिंह, तुलसी पौडेल, तेज पौडेल लगायत समाजसेवी तथा अभियन्ताहरूको उपस्थिति रहेको थियो।

कार्यक्रमका प्रमुख वक्ता खगेन्द्रध्वज जिसीले अमेरिकी अध्यागमन नीतिमा हालै आएका परिवर्तनहरू, सम्भावित कानूनी जटिलता तथा तिनका समाधानका उपायहरूबारे विस्तृत जानकारी प्रदान गरेका थिए। सहभागीहरूले अध्यागमनसम्बन्धी विभिन्न जिज्ञासाहरू राख्दा उनले तिनको समस्या र समाधानकाे खण्डन गरेका थिए।
साथै अन्तर्राष्ट्रिय महिला दिवसको ११५औं वार्षिकोत्सवको अवसरमा डा. रेखा हमाल जिसीले नेपाली महिला समुदायलाई विशेष शुभकामना व्यक्त गरेकि थिइन।

कार्यक्रमका सभापति बाबुराम शर्माले CCNC USA को हालसम्मको सक्रियता र उपलब्धिहरूबारे जानकारी दिँदै, सामुदायिक भवन खरिद प्रक्रिया अन्तिम चरणमा पुगेको जानकारी दिनुका साथै सहयोगका लागि अपील समेत गरेका थिए।