वेराज्जानो पुलमा तीव्र हावाहुरीका कारण कारको सिसा फुट्दा पनि चालकले सहज रूपमा गाडी नियन्त्रणमा लिए
- २६ फाल्गुन २०८१
- १ मिनेटको पढाई
न्युयोर्क- न्युयोर्कको वेराज्जानो-न्यारोज पुल पार गरिरहेको एक कारको अगाडि तीव्र हावाहुरीले एक बोर्ड उडाएर सीधा विन्डशील्डमा ठोक्काएको नाटकीय दृश्य ड्यासक्याम फुटेजमा कैद भएको छ।
अझ आश्चर्यजनक कुरा के छ भने, चालकले आफ्नो संयम गुमाएनन् र क्षतिग्रस्त विन्डशील्डको बाबजुद अन्य गाडीहरूमा ठोक्किनबाट जोगिए।
घटनाका प्रत्यक्षदर्शी तथा चालक डेविड डेङ्गले गत बुधबार पुल पार गर्दा यो अकल्पनीय क्षण सामना गरेका थिए। यद्यपि, उनीसहित कारमा रहेका उनका तीनजना परिवारका सदस्यहरू कुनै घाइते भएनन्।
“हामी सबैको लुगा र सिटभरि सिसाका टुक्रा थिए,” डेङ्गले सम्झिए।
ब्रुकलिन निवासी डेङ्ग आफ्ना आमाबुवा र दिदीसँगै न्युजर्सी जाँदै थिए। दिउँसो १२:१२ बजे तिर उनले ब्रुकलिनतर्फ जाँदै गर्दा सेतो चेभ्रोलेट पिकअप ट्रकलाई पार गरेका थिए।
डेङ्गका अनुसार उनले ट्रक चालकलाई एक झलक देखेका थिए, तर दुबै जना आ-आफ्नै लेनमा अघि बढिरहेका थिए।
“यदि मैले अर्को लेनमा गाडी मोडेको भए, पछाडि रहेका अन्य गाडीहरू आपसमा ठोक्किन सक्थे,” उनले भने। “सबैभन्दा सही निर्णय भनेको सुरक्षित रूपमा ड्राइभ जारी राख्नु र सुरक्षित स्थानमा पुगेर गाडी रोक्नु हो।”
अन्त्येष्टिमा समयमै पुग्नुपर्ने भएकाले उनले प्रहरीलाई खबर नगरी कारलाई स्टेटन आइल्याण्डमा पार्क गरिदिए।