न्यू मेक्सिकोमा आईसीईको कारबाही, ४८ अवैध आप्रवासी पक्राउ

न्यू मेक्सिको – अमेरिकाको आप्रवासन तथा भन्सार प्रवर्तन (ICE) ले अन्य संघीय निकायहरूसँगको सहकार्यमा न्यू मेक्सिकोमा ४८ जना अवैध आप्रवासीलाई पक्राउ गरेको छ। यीमध्ये केहीलाई अध्यागमन न्यायाधीशले देश निकाला गर्ने आदेश दिएका थिए भने केही गम्भीर आपराधिक अभियोगमा पक्राउ परेका वा दोषी ठहर भएका थिए।

आईसीईले अल्बुकर्क, सान्ता फे र रोसवेल क्षेत्रमा मार्च ८ सम्म चलेको एक सातासम्मको अभियानमा ती आप्रवासीहरूलाई पक्राउ गरेको हो। यस अभियानमा अमेरिकी भन्सार तथा सीमा सुरक्षा (CBP), एफबीआई, मद्यपान, सुर्ती, हतियार तथा विष्फोटक पदार्थ नियन्त्रण ब्यूरो (ATF) र अमेरिकी मार्शल सेवा (USMS) समेत संलग्न थिए।

पक्राउ परेकामध्ये २० जनामाथि गम्भीर आपराधिक अभियोग लगाइएको वा उनीहरू पहिले नै दोषी ठहर भइसकेका थिए। यी अपराधहरूमा हत्या, यौन दुर्व्यवहार, घरेलु हिंसा, लागुऔषध तस्करी, चोरी, नशामा गाडी चलाउनेजस्ता गम्भीर मुद्दाहरू रहेका छन्। अन्य २१ जना ती आप्रवासी हुन्, जसलाई अन्तिम रूपमा अमेरिका छोड्न आदेश दिइएको थियो।

आईसीईले एल पासो क्षेत्रअन्तर्गत, जसमा पश्चिम टेक्सास र न्यू मेक्सिको पर्दछ, नियमितरूपमा अध्यागमन कानुन कार्यान्वयन अभियानहरू सञ्चालन गरिरहेको जनाएको छ।