तामाङ सोसाइटी अफ अमेरिकामा तुलबहादुर तामाङको टिमको शानदार विजय
अक्कल तामाङ, न्युयोर्क | आज सम्पन्न तामाङ सोसाइटी अफ अमेरिकाको महाधिवेशनबाट २०२५-२०२७ कार्यकालका लागि अध्यक्ष तुलबहादुर तामाङको टिमले शानदार विजय हासिल गरेको छ। अत्यन्तै प्रतिस्पर्धात्मक वातावरणबीच तुलबहादुर तामाङले अध्यक्ष पदका अर्का प्रत्याशी शमसेर योन्जनलाई ११ मतले पछि पार्दै आफ्नो जीत सुनिश्चित गरेका हुन्।
कुल ६१९ मतदाता रहेको यस अधिवेशनमा ५०१ जनाले मतदान गरेका थिए। महासचिव पदमा चाँदनी लामाले सर्वाधिक २५९ मत ल्याएर विजय हासिल गरिन्।
न्युयोर्क तथा वरिपरिका राज्यहरूमा बसोबास गर्ने तामाङ समुदायलाई एकताबद्ध गर्दै समुदायको पहिचान, धर्म, संस्कृति तथा खेलकुदको प्रवर्द्धनमा विशेष योगदान दिने प्रतिबद्धता नवनिर्वाचित अध्यक्ष तुलबहादुर तामाङले व्यक्त गरेका छन्।
नयाँ कार्यसमिति हरुमा अध्यक्ष: तुल बहादुर तामाङ,वरिष्ठ उपाध्यक्ष सन्त बहादुर तामाङ, उपाध्यक्ष: दूधराज दम्जन,त्यस्तै महिला उपाध्यक्षमा उमा तामाङ
महासचिवमा चाँदनी लामा विजय भएका छन भने सचिवमा राजु लामा, महिला सचिवमा सोनिया मोक्तान तथा कोषाध्यक्षमा विष्णु तामाङ सह-कोषाध्यक्षमा निरु तारा योन्जन तथा सदस्यमा सानु मोक्तान निर्वाचित भएका छन।
निर्वाचन आयुक्त बी.आर. लामा तथा निर्वाचन अधिकृतहरू सानो माया तामाङ र राजु तामाङले निर्वाचनलाई सौहार्दपूर्ण वातावरणमा व्यवस्थित रूपमा सम्पन्न गरेका थिए। प्रमुख अतिथि लामा गुरुले दीप प्रज्ज्वलन गर्दै मन्त्र पाठपछि महाधिवेशनको उद्घाटन गरेका थिए।
कार्यक्रममा सचिव मैया तामाङले आर्थिक प्रतिवेदन प्रस्तुत गरिन् भने महासचिव शमसेर योन्जनले वार्षिक प्रतिवेदन प्रस्तुत गर्दै कार्यक्रम सञ्चालन गरे। निवर्तमान अध्यक्ष बुद्धिमान तामाङले आफ्नो कार्यकालमा सङ्कलित २०,००० अमेरिकी डलर ट्रस्टका अध्यक्ष इन्द्र तामाङलाई हस्तान्तरण गर्दै आफ्नो कार्यकाल सफल बनाउन सहयोग पुर्याउने सबैलाई धन्यवाद ज्ञापन गरेका थिए।
