रहरहरुका बीचमा “मैले बुनेका रहर” सांगीतिक बजारमा
मैले बुनेका रहर नामक एक म्यूजिक भिडियो सार्वजनिक गरिएको छ। काठमाडौंमा एक कार्यक्रमको आयोजना गरि सार्वजनिक गरिएको हो। नेकपा समाजवादी एकिकृतका सम्मानित नेता झलनाथ खानालको प्रमुख आथित्यतामा उक्त गितको भिडियो सार्वजनिक गरिएको हो।
सान्सा फिल्मका सञ्चालक सुरज खनालको अध्यक्षतामा सम्पन्न कार्यक्रमा विशिष्ट अतिथि राष्ट्रिय जन सांस्कृतिक संघका केन्द्रिय अध्यक्ष प्रेमनाथ अधिकारी तथा सयौंको संख्यामा कलाकार,पत्रकारहरु तथा संगित प्रेमीहरुको उपस्थिती रहेको थियो।
कार्यक्रमका संयोजक तथा मोडल भुवन के पोखरेलको संयोजनमा सम्पन्न कार्यक्रमा वरिष्ठ कलाकार दमन रुपाखेती,तारा केसी,यादव देवकोटा,बविन राई, इन्द्र द्वङ लामा, अञ्जु हमालको उपस्थिती रहेको थियो। अन्य कलाकारहरुमा मोतिराज खनाल,खमेस श्रेष्ठ,लक्ष्मण चापागाई,बालकृष्ण ओली,खुमराज घिमिरे,सन्तोष पौडेल,पुनम बस्याल,श्रेया दुलाल तथा रञ्जिता तामाङ लगायत दर्जनौं चर्चित कलाकार र सर्जकहरुको उपस्थिती थियो।
कार्यक्रमा प्रमुख अतिथि खनालले मानिसका अनेकौं रहर हुन्छन भन्दै रहर शब्दको ब्याख्या समेत गरेका थिए। रहरहरुको आयमहरुमा यो निर्मित म्यूजिक भिडियो पनि एक हो, यसले नेपाली संगीतको क्षेत्रमा एउटा इट्टा थप्ने प्रयास गरेको छ, म पनि साहित्यमा रुचि राख्ने भएकाले यस गितको शब्द,संगीत जसरी बगेको छ त्यसरी नै दृश्यमा उतारिएको छ ,यो संगीत क्षेत्रको राम्रो पक्ष हो , उनको भनाई थियो। उनले कलाकारहरुको पनि खुलेरै प्रसंसा गरे। गित, संगीत र अभिनयको मिश्रणले हेर्न लाएक र सुन्न लाएक गित बनेको उनको भनाई थियो।
गायक स्वरुपराज आर्चायको स्वरमा रहेको गितको शब्द शुवासकुमार लम्सालले सृजना गरेका हुन भने संगीत राम कार्कीले गरेका हुन। सुरेस थापाले निर्देशन गरेको गीतमा कुशुम शर्मा र भुवन के पोखरेलले मुख्य भुमिकामा अभिनय गरेका छन। गोपीकृण चापागाई, श्रीधर खनाल तथा मानशी शर्माको पनि लोभ लाग्दो अभिनय देख्न सकिन्छ। प्रवेश पोख्रेलको छाँयाकंन तथा सम्पादन रहेको भिडियोमा कलर भने सौखिन तिमिल्सिनाले गरेका हुन।
कार्यक्रमा प्रमुख अतिथि तथा विशिष्ट अतिथिद्धारा कलाकारलाई प्रशंसापत्र द्धारा सम्मान गरिएको थियो भने कलाकार तथा पत्रकारलाई मायाको चिनोद्धारा सम्मान गरिएको थियो।
पत्रकारहरुको प्रश्नमा मोडल तथा उक्त कार्यक्रमा संयोजक भुवन के पोखरेलले सबैको माया र सदभावले कार्यक्रम सम्पन्न भएको र नेपाली सांगीतिक क्षेत्रमा अझै केहि गर्ने हौसला बढेको बताएका थिए। उक्त गीत मधुशाला म्यूजिक युट्यूभ च्यानलमा सार्वजनिक भएकाे छ।
