अमेरिकाले हत्या अभियोग लागेका मेक्सिकन फरार अभियुक्तलाई निष्काशन गर्यो
नोगालेस — अमेरिकी अध्यागमन तथा सीमा सुरक्षा निकाय (ICE) ले मेक्सिकन नागरिक मिगुएल एन्टोनियो भार्दुगो-गार्सियालाई मार्च १३ मा मेक्सिको पठाएको छ। ४९ वर्षीय भार्दुगो-गार्सिया हत्याको आरोपमा मेक्सिकोमा फरार अभियुक्त घोषित भएका थिए।
आईसीईले उनलाई फ्लोरेन्स डिटेन्सन सेन्टरबाट डेनिस डेकोन्सिनी पोर्ट अफ इन्ट्री (नोगालेस) पुर्याएको थियो, जहाँ उनलाई मेक्सिकोका अधिकारीहरूको जिम्मा लगाइयो।
भार्दुगो-गार्सियाले कहिले र कुन स्थानबाट अमेरिका छिरे भन्ने स्पष्ट छैन। तर, उनी सन् २०१९ मा तीन पटक अमेरिका निष्काशित भएका थिए। अमेरिकामा अवैध रूपमा बसेका बेला उनले झूटो रिपोर्ट दर्ता गराएको आरोपमा पक्राउ परेका थिए।
