लागार्डियामा अवतरणको क्रममा विमानको पखेटा धावनमार्गमा ठोक्कियो

न्यूयोर्क- न्यूयोर्कको लागार्डिया विमानस्थलमा अवतरणको प्रयास गर्ने क्रममा एन्डेभर एयर को एक विमानको पखेटा धावनमार्गमा ठोक्किएको छ। अमेरिकी संघीय उड्डयन प्रशासन (FAA) का अनुसार, उक्त घटनामा “कसैले केही झिल्का देखेको” बताएका छन्।

एन्डेभर एयर फ्लाइट ४८१४ मा ७६ यात्रु सवार थिए। आइतबार राति अवतरणको क्रममा विमान अस्थिर अवस्थामा पुगेपछि पाइलटले पुनः उचाइ लिने (go-around) निर्णय गरेका थिए। यही क्रममा विमानको पखेटा धावनमार्गमा छोएको बताइएको छ।

FAA का अनुसार, अवतरणको प्रयास गर्दा विमान अस्थिर देखिएपछि पाइलटले go-around अपनाएका थिए। हवाई यातायात नियन्त्रण केन्द्रका अधिकारीहरूका अनुसार, उक्त क्रममा विमानको पखेटा रनवेमा ठोक्किएको थियो।

कन्ट्रोलर: “तपाईंको पखेटाबाट केही झिल्का देखिएको छ, तपाईंहरूले केही महसुस गर्नुभयो?” पाइलट: “हामीले केही महसुस गरेका छैनौं, तर जाँच गर्छौं।”

डेल्टा एयरलाइन्स को स्वामित्वमा रहेको एन्डेभर एयर ले घटनाबारे विज्ञप्ति जारी गर्दै भनेको छ—
“उड्डयनका सुरक्षित प्रक्रिया अनुरूप, फ्लाइट क्रुले न्यूयोर्क-लागार्डियामा go-around अपनायो। विमान सुरक्षित रूपमा अवतरण गरी निर्धारित गेटमा पुग्यो। यात्रुहरूलाई भएको असुविधाका लागि हामी माफी चाहन्छौं।”

FAA ले go-around लाई सुरक्षित र सामान्य प्रक्रिया मानेको छ, जसमा पाइलट र एयर ट्राफिक कन्ट्रोलर पूर्ण रूपमा नियन्त्रणमा हुन्छन्।

हाल FAA ले घटनाको अनुसन्धान गरिरहेको छ।