लङ्ग आइल्यान्ड नेपाली सोसाइटीको दशौं वार्षिक साधारणसभा सम्पन्न
न्यूयोर्क – लङ्ग आइल्यान्ड नेपाली समाज, न्यूयोर्कले आफ्नो दशौं वार्षिक साधारणसभा सम्पन्न गरेको छ। मार्च १६, २०२५ मा सम्पन्न उक्त कार्यक्रममा संस्थागत प्रतिवेदन, आर्थिक प्रतिवेदन, वेबसाइट अद्यावधिक, सामुदायिक भवन र विधान सभालाई प्रमुख एजेन्डा बनाइएको थियो।
अध्यक्ष कुलप्रसाद गौली (राजन)को अध्यक्षता र प्राध्यापक डा. थानेश्वर तिमल्सिनाकाे प्रमुख अतिथ्यतामा सम्पन्न साधारणसभाको सञ्चालन महासचिव राजेन्द्र कार्कीले गरेका थिए।
संस्थाका सदस्यहरू तथा अन्य संस्थागत अतिथिहरूको उपस्थिति रहेको कार्यक्रममा १५० भन्दा बढीको सहभागिता रहेकाे थियो।
संस्थाकी वरिष्ठ उपाध्यक्ष साबित्रा शिवाकोटीले स्वागत मन्तव्य व्यक्त गरेकी थिइन।
अतिथिहरू रिजउड नेपाली समाजका अध्यक्ष राजेश भट्ट, संस्थाका सदस्य राजा प्रसाद काफ्ले (दीपक), जमैका नेपाली समाजका अध्यक्ष कृष्ण आचार्य, सचिव भीम न्याैपाने, NRNA NCC NY का बोर्ड सदस्य विशाल रेग्मी, NRNA सह-कोषाध्यक्ष दिवाकर पाण्डे, NRN ICC मानार्थ सदस्य तथा लङ्ग आइल्यान्ड न्यूयोर्कका सल्लाहकार डा. हरि दाहाल, संस्थाका पूर्व सल्लाहकार तथा सामुदायिक भवन आर्थिक/कार्यक्रम संयोजक दुर्गेश कार्की, सामुदायिक भवन प्रचार-प्रसार संयोजक तथा पर्वत सेवा समाजका अध्यक्ष सूर्य पौडेल, उपाध्यक्ष इन्दु थापा क्षेत्री, धादिङ्ग नेपाली समाज अध्यक्ष टकबहादुर रुवाली, त्रिवेणी मिडिया ग्रुपबाट बेगम पण्डित, सल्लाहकार भुवन श्रेष्ठ आदिको सहभागिता रहेकाे थियो।
न्यूयोर्क राज्य डिस्ट्रीक्ट १५ का विधायक Jake Blumen Cranz को कार्यालयले पठाएको शुभकामना र सम्मान पत्र संस्थापक अध्यक्ष दुर्गा गुरुङ, पूर्व अध्यक्ष कपिल फुँयाल, डा. हरि दाहाल, दिबाकर पाण्डे, शिव प्रसाद मैनाली, विवेक गौतम, शोभा पोखरेल श्रेष्ठ, सुनिता खनाल र सुस्मिता भण्डारीलाई प्रदान गरिएको थियो।
संस्थाका आजीवन सदस्यहरू तथा विशेषज्ञहरूलाई प्रमाणपत्रद्वारा सम्मान गरिएको थियो।
संस्थागत प्रतिवेदन, सामुदायिक भवन र विधान संशोधनको प्रस्ताव महासचिव राजेन्द्र कार्कीले पेश गरेका थिए भने वेबसाइट डेमोको प्रस्तुति सचिव दीपक अधिकारीले गरेका थिए। आर्थिक प्रतिवेदन रामकुमार राईले प्रस्तुत गरेका थिए। प्रतिवेदनहरूमा उठेका प्रश्नहरूको उत्तर अध्यक्ष कुलप्रसाद गौलीले दिएका थिए।
कार्यक्रम व्यवस्थापन, प्रतिवेदन तयारी र वेबसाइट अद्यावधिकमा सचिव दीपक अधिकारी, आर्थिक प्रतिवेदनमा राम कुमार राई, महासचिवको प्रतिवेदन र सामुदायिक भवन प्रतिवेदनमा महासचिव राजेन्द्र कार्की, विधान संशोधन प्रस्ताव तयार गर्न विधान समिति सदस्यहरू, मुद्रण तथा संयोजनमा सहयोग गर्ने रविन सङ्रौला, खानाको व्यवस्थापनमा बोर्ड सदस्य विकास मैनाली, राज कुमार तामाङ, साबित्रा शिवाकोटी, पवित्रा गौली, डा. यम गिरी, राम कुमार राई तथा फोटोग्राफीमा सुजन रेग्मी रहेका थिए। आतिथि सत्कारमा विमला भण्डारी, ज्ञानु चन्द, नमिता पौडेल र सीता मैनाली लगायतकाे योगदान रहेको थियो।
कार्यक्रममा सहयाेगी तथा सुभचिन्तकहरुलाई कार्यसमितिले हार्दिक आभार व्यक्त गरेको थियो।
