साउथ क्यारोलिनाको टेबल रक डढेलो सिगरेटका कारण लागेको पुष्टि
न्युयोर्क- साउथ क्यारोलिनाको टेबल रक स्टेट पार्कमा लागेको ठूलो डढेलोको कारण सिगरेटको असावधानीपूर्ण प्रयोग भएको पुष्टि भएको छ। तीन युवक—१९ वर्षीय नाइजायर जाह-नेइज मार्श, १८ वर्षीय ट्रिस्टन टायलर र इसाक विल्सन—तथा एक नाबालकलाई लापरवाहीपूर्वक आगलागी फैलाएको आरोपमा पक्राउ गरिएको छ।
मार्च २१ मा ती युवकहरूले पार्कमा हिँड्दै गर्दा सिगरेटको प्रयोग गरेपछि त्यसको उचित रूपमा निभाउन नसक्दा डढेलो लागेको अनुसन्धानबाट खुलेको हो। आगो हालसम्म १३,००० एकडभन्दा बढी जमिनमा फैलिएको छ।
ती सबैलाई $7,500 धरौटीमा रिहा गरिएको छ। दोषी ठहरिएमा उनीहरूलाई ५ देखि ३० दिनसम्म जेल सजाय वा $२५ देखि $२०० जरिवाना हुन सक्नेछ।
अहिलेसम्म कुनै हताहती नभएको भए पनि डढेलो दक्षिण क्यारोलिना र उत्तर क्यारोलिनासम्म फैलिएको छ। दक्षिण क्यारोलिनामा १२,६५२ एकड र उत्तर क्यारोलिनामा ६३५ एकड क्षेत्र जलेको छ।
हालसम्म आगो ३०% नियन्त्रणमा आएको छ भने १.५ इन्च वर्षाले आगो नियन्त्रणमा मद्दत गरेको छ। यो समय दक्षिण क्यारोलिनामा वन डढेलोको उच्च जोखिम हुने समय भएकाले थप सतर्कता अपनाउन वन विभागले आग्रह गरेको छ।
