ब्रङ्क्सस्थित वेन्डीज रेष्टुरेन्टमा गोली चल्दा दुई जना घाइते
न्युयोर्क- ब्रङ्क्सस्थित एक प्रसिद्ध फास्ट फूड रेष्टुरेन्ट वेन्डीजमा गोली चल्दा कम्तीमा दुई जना पुरुष घाइते भएको न्यूयोर्क प्रहरीले जानकारी दिएको छ।
शनिबार बेलुकी करिब ७:३० बजे प्रहरीले इस्ट फोर्डह्याम रोडस्थित वेन्डीजमा गोली चलेको सूचनाका आधारमा प्रतिक्रिया जनाएको थियो।
प्रहरी र दमकल विभागका अधिकारीहरूका अनुसार, गोली लागेका दुई जना पुरुषलाई नजिकैको सेन्ट बार्नाबास अस्पताल पुर्याइएको थियो। तीमध्ये एक जनाको हातमा र अर्का जनाको ढाडमा गोली लागेको बताइएको छ।
प्रहरीका अनुसार, दुबै जना करिब २५ वर्ष उमेरका हुन् र उनीहरूलाई रेष्टुरेन्टको भित्री भागमै गोली प्रहार गरिएको हो।
गोलीकाण्डको कारण तत्काल प्रस्ट नभएको र अनुसन्धान जारी रहेको प्रहरीले जनाएको छ।
