ब्रुकलिनमा मासु काट्ने चक्कु आक्रमण: बच्चाहरूले ९११ मा फोन गरेपछि प्रहरीले काकालाई गोली हाने
न्युयोर्क- ब्रुकलिनको एक घरमा आइतवार बिहान मासु काट्ने चक्कु र भान्सामा प्रयोग हुने छुरा प्रयोग गरेर चार बालिकालाई हानेको आरोपमा एक पुरुषलाई प्रहरीले गोली हानेको छ। घटनास्थलबाट रगतले लतपतिएको मासु काट्ने चक्कु र भान्साको छुरा बरामद गरिएको प्रहरीले पत्रकार सम्मेलनमार्फत जानकारी दिएको छ।
४९ वर्षीय आरोपी पुरुषले बेन्सनहर्स्टस्थित पारिवारिक घरमा ८ देखि १६ वर्ष उमेरका बालिकाहरूमाथि ती धारिला हतियारले आक्रमण गरेका हुन्। प्रहरी स्रोतका अनुसार आरोपी लोंगक्यान चेन मध्ये जेठी बालिकाका पिता र अरू तीन बालिकाका काका हुन्।
NYPD कमिश्नर जेसिका टिशका अनुसार ११ वर्षीया एक बालिकाले घटना हुँदा लुकीछिपी ९११ मा फोन गरी आफू र आफ्ना दिदीबहिनीहरूलाई काकाले छुरा प्रहार गरेको जानकारी दिएकी थिइन्।
प्रहरी ८४औं स्ट्रिटस्थित घरमा तुरुन्त पुगेका थिए र एक नाबालक केटाले ढोका खोलेर प्रहरीलाई भित्र पसेका थिए। घरभित्र चिच्याएको आवाज सुनेपछि प्रहरीहरू एक ढोका तोडेर प्रवेश गर्दा ती व्यक्ति मासु काट्ने चक्कु समातिरहेको अवस्थामा भेटिएको कमिश्नरले बताइन्।
प्रहरीले पटकपटक हतियार फ्याँक्न भने पनि उनले नमानेपछि सात राउन्ड गोली प्रहार गरिएको थियो। उक्त घटना प्रहरीको बडी क्यामेरामा रेकर्ड भएको बताइएको छ।
घाइते चार बालिका र आरोपीलाई तत्काल अस्पताल लगिएको थियो। आरोपीको अवस्था गम्भीर रहेको जनाइएको छ।
प्रहरीले ती बालिकाहरू र आरोपीबीचको पारिवारिक सम्बन्धबारे अझै अनुसन्धान गरिरहेको छ भने घटनाको उद्देश्य अझै खुलाइएको छैन।
परिवारका सदस्यहरूको भनाइअनुसार ती ४९ वर्षीय पुरुष मानसिक रोगको इतिहास बोकेका छन्। घटनास्थलको ठेगानामा यसअघि कुनै घरेलु हिंसाको इतिहास नरहेको प्रहरीले जनाएको छ।
प्रतिक्रिया दिने दुईजना प्रहरीलाई टिनिटस (कानमा गुँगुंगाउने समस्या) भएको जनाइएको छ।
