क्यालिफोर्नियामा गैरकानुनी आप्रवासीका कारण बढेको स्वास्थ्य खर्च कभर गर्न गभर्नर न्युसमले २.८ अर्ब डलरको राहत प्याकेजमा हस्ताक्षर
क्यालिफोर्निया- क्यालिफोर्नियाका गभर्नर ग्याभिन न्युसमले राज्यको मेडिकेड कार्यक्रम “Medi-Cal” को खर्च धान्न सोमबार २.८ अर्ब डलरको राहत प्याकेजमा हस्ताक्षर गरेका छन्। यो कार्यक्रम गैरकानुनी आप्रवासीहरूलाई समावेश गरेपछि अनुमानभन्दा धेरै खर्च बढेको हो।
हाल “Medi-Cal” मा करिब १६ लाख गैरकानुनी आप्रवासीसहित १.५ करोड लाभार्थी छन्। राज्यले चालु वर्षका लागि गैरकानुनी आप्रवासी कभरेजमा मात्र ८.४ अर्ब डलर खर्च हुने अनुमान गरेको छ।
रिपब्लिकन नेताहरूले यो कदमको आलोचना गर्दै भनेका छन् कि स्वास्थ्य सेवामा पहुँच घट्दै गएको छ र यो कार्यक्रम अब अस्थायी र अस्थिर बनिरहेको छ।
यसबीच संघीय तहमा रिपब्लिकनहरूले Medicaid लगायतका खर्चमा कटौती गर्न ८८० अर्ब डलरको योजना अघि सारेका छन्।
