स्टेटन आइल्याण्डमा यौन खेलौना जलाउँदा तीन घरमा आगलागी
न्युयोर्क – एक ३७ वर्षीय पुरुषले दुईवटा रबरको यौन खेलौना (सेक्स टोय) मा आगो लगाउँदा भएको तीन-अलार्म आगलागीले कम्तीमा दुईवटा घरमा ठूलो क्षति पुर्याएको छ।
ह्यारी टोरेस नामका ती व्यक्ति सोमबार दिउँसो नर्थ बर्गर एभेन्यूमा आगलागी गराएको आरोपमा पक्राउ परेका हुन्। अदालतका कागजातहरूअनुसार, उनले आफ्नो घरको पिछाडिपट्टि आगो लगाएका थिए, जसले गर्दा दुई छिमेकी घर र दुई गाडीमा पनि आगो फैलिएको हो।
एफडीएनवाई (न्युयोर्कको दमकल विभाग) का अनुसार, आगलागी अपराह्न ३:२० बजे नियन्त्रणमा ल्याइएको थियो।
फायर मार्शल जोसेफ कन्फोर्टीले सोधपुछ गर्दा टोरेसले भने,
“मैले आगो लगाएको हुँ। म मेरो घरको पछाडि थिएँ र मैले दुईवटा सेक्स टोयहरू जलाएँ,”
भनी अभियोगपत्रमा उल्लेख गरिएको छ।
टोरेसलाई आगलागीको अभियोगमा दुईवटा आरोप, साथै लापरवाह जनधन जोखिम र आपराधिक क्षतिको आरोपमा घटनास्थलमै पक्राउ गरिएको प्रहरी स्रोतहरूले जनाएका छन्।
उपसहायक प्रमुख डेभिड सिम्सले पत्रकार सम्मेलनमा भने,
“यो आगो निकै गहिरो थियो, जसका लागि तीनवटा दमकल अलार्म प्रयोग गर्नुपर्यो। यो आगो शंकास्पद मानिएको छ।”
भाग्यवश, आगलागीको समयमा ती घरहरू खाली थिए र कुनै मानवीय क्षति नभएको बताइएको छ।
