ट्रम्पको चेतावनीपछि ग्रीनल्याण्डका प्रधानमन्त्री डेनमार्क भ्रमणमा
कोपेनहेगन– अमेरिकी राष्ट्रपति डोनाल्ड ट्रम्पले डेनमार्कको स्वशासित क्षेत्रमाथि नजर लगाएका बेला ग्रीनल्याण्डका नवनिर्वाचित प्रधानमन्त्रीले आइतबार डेनमार्कको पहिलो औपचारिक भ्रमण सुरु गरेका छन् ।
डेमोक्र्याट पार्टीले मार्चमा विधायी चुनाव जितेपछि ग्रीनल्याण्डको नयाँ गठबन्धन सरकारको नेतृत्व गरिरहेका जेन्स–फ्रेडरिक निल्सनको यो पहिलो डेनमार्क भ्रमण हो ।
डेनिस प्रधानमन्त्री मेट फ्रेडरिकसनले अप्रिलको सुरुमा आर्कटिक क्षेत्रको भ्रमणका क्रममा उनले अमेरिकी प्रशासनलाई लक्षित गर्दै ‘तपाईँ अर्को देशलाई गाभ्ने निर्णय गर्न सक्नुहुन्न’ भनेका थिए ।
‘सबैभन्दा पहिले म प्रधानमन्त्रीसँग भूराजनीतिक अवस्था र सहकार्यका बारेमा छलफल सुरु गर्नेछु,’ निल्सनले फ्रेडरिकसनलाई उद्धृत गर्दै यसै साता जारी गरेको विज्ञप्तिमा भनिएको छ।
उनले भने, ‘हामीले यस समयमा हाम्रो भविष्यको सहयोगको लागि योजनाहरू बनाऔँ । यो कुरा दुवैका लागि महत्त्वपूर्ण छ ।’
अमेरिकी राष्ट्रपति डोनाल्ड ट्रम्पले आर्कटिक टापुलाई आफ्नो नियन्त्रणमा लिन चाहेको बताएपछि अमेरिका र डेनमार्कबीच तनाव बढेको छ ।
अमेरिकी राष्ट्रपति ट्रम्पले सुरक्षाको कारण देखाउँदै वासिङ्टनको नियन्त्रणमा ग्रीनल्याण्ड हुनु आवश्यक रहेको बताएका थिए ।
–अन्तर्राष्ट्रिय शान्ति–
ट्रम्पले नर्वेका प्रधानमन्त्री जोनास गाहर स्टोरसँग बिहीबार आयोजित पत्रकार सम्मेलनमा भने, ‘मलाई लाग्छ कि हामीलाई अन्तर्राष्ट्रिय शान्तिको लागि यो आवश्यक छ, र यदि हामीसँग ग्रीनल्याण्ड भएन भने यो विश्वको लागि ठूलो खतरा हो । अन्तर्राष्ट्रिय शान्तिका लागि ग्रीनल्याण्ड निकै महत्त्वपूर्ण छ ।’
भ्रमणको घोषणा गर्दै डेनिस सरकारले ग्रीनल्याण्ड र डेनमार्कबीचको सहकार्य निल्सनको भ्रमणको ‘प्रमुख एजेन्डा’ हुने बताएको छ ।
ग्रीनल्याण्डका प्रधानमन्त्री फ्रेडरिक्सनले भने, ‘ग्रिनल्याण्ड र साउदी अरेबिया अहिले जुन कठिन विदेश नीतिको अवस्थामा छन्, त्यसमा हामीले एक अर्कालाई सहयोग गर्नै पर्छ ।’
अमेरिकी उपराष्ट्रपति जेडी भान्सले पनि मार्चमा ग्रीनल्याण्डको भ्रमण गरेका थिए । यसलाई नुक र कोपनहेगन दुवैले उक्साहटको रूपमा हेरेका थिए।
अमेरिकी सैन्य अड्डा पिटुफिकको भ्रमणका क्रममा भान्सले डेनमार्कले ‘ग्रीनल्याण्डका मानिसहरूसँग राम्रो काम नगरेको’ भन्दै आलोचना गरेका थिए ।
‘तपाईंले ग्रीनल्याण्डका जनतामा कम लगानी गर्नुभएको छ र यो अविश्वसनीय, सुन्दर भू–भागको सुरक्षा वास्तुकलामा कम लगानी गर्नुभएको छ,’ उनले पत्रकार सम्मेलनमा भने ।
डेनिस विदेशमन्त्री लार्स लोक्के रासमुसेनले सामाजिक सञ्जालमा प्रतिक्रिया दिँदै भनेका छन्, ‘हामी आलोचनाका लागि खुला छौँ तर म पूर्ण इमानदारसाथ के भन्छु भने जुन स्वरमा यो वितरित भइरहेको छ हामी त्यसको कदर गर्दैनौँ।’
