अष्ट्रेलियाका प्रधानमन्त्री अल्बानिजको पक्षमा शानदार जीत, ‘व्यवस्थित’ सरकारको प्रतिबद्धता

सिड्नी –  अस्ट्रेलियाका प्रधानमन्त्री एन्थोनी अल्बानिजले आइतबार भएको चुनावमा भारी मतले विजयी हुँदै जीवनयापनको पीडा र करको उथलपुथलको सामना गर्न ‘अनुशासित र व्यवस्थित’ सरकार गठन गर्ने प्रतिबद्धता व्यक्त गरे ।

६२ वर्षीय अल्बानिज र उहाँकी हुनेवाला जीवन सङ्गिनी हेडन पुरानो सिड्नीको भित्री भागमा रहेको क्याफे इटालियामा पुग्दा त्यहाँका बासिन्दाले उहाँहरूलाई ताली बजाएर स्वागत गरेका थिए । अल्बानिजको लेबर पार्टीले १५० सदस्यीय संसद्मा कम्तीमा ८३ सिट जित्ने अनुमान गरिएको आंशिक परिणामले देखाएको छ ।

विपक्षी नेता पिटर डटनको कन्जरभेटिभ लिबरल–नेसनल गठबन्धनले जम्मा ३८ सिट अन्य दलले १२ सिट जितेका छन् भने अन्य १७ सिटको अझै मत परिणाम आइसकेको छैन । “हामी हाम्रो दोस्रो कार्यकालमा सरकारका क्रियाकलापलाई ‘अनुशासित र व्यवस्थित’ रूपमा अघि बढाउने पहल गर्नेछौँ,” अल्बानिजले निर्वाचन परिणाम आफ्नो पक्षमा आएको सुनिश्चततापछि क्याफेमा गरिएको पत्रकार सम्मेलनमा भने ।

“हामी हरेक दिन कडा परिश्रम गर्नेछौँ,” उनले भने । अल्बानिजको कडा आलोचकका रूपमा निर्वाचनमा होमिएका विपक्षी नेता तथा पूर्व प्रहरी डटनले निर्वाचनमा आफ्नै सीट गुमाउनुको दुर्लभ अपमान सहनुपर्यो । उनलाई आलोचकहरूले नागरिक सेवामा कटौती गर्ने नीतिहरूको लागि ‘ट्रम्प–लाइट’ को संज्ञा दिएका थिए ।

अमेरिकी राष्ट्रपति डोनल्ड ट्रम्पको व्यापार शुल्क र उनीहरूले फैलाएको अराजकता लेबर पार्टीको विजयमा सबैभन्दा ठूलो कारक नहुन सक्छ तर विश्लेषकहरूले तिनीहरू बिजयका लागि सहयोगी बनेको बताएका छन् ।
नर्वाचन परिणामको ब्याख्या गर्दै युनिभर्सिटी अफ सिड्नीका राजनीति शास्त्रका प्राध्यापक हेनरी माहेरले भने, “पछिल्ला केही महिनामा चुनावी अभियानका क्रममा मतदाताको ठूलो हिस्सा परिवर्तन भएको छ । मलाई लाग्छ यो सबैभन्दा महत्त्वपूर्ण कुरा हो ।

अस्थिरताको समयमा मतदाताले स्थिरतालाई नै रोजेका छन् । अल्बानिजको जीतको परिमाणले उनको आफ्नै पार्टीलाई आश्चर्यचकित बनाएको छ । लेबर पार्टीका तर्फबाट अर्थमन्त्रीको जिम्मेवारी सम्हालेका जिम चाल्मर्सले भने, “देश अझै आर्थिक संकटतर्फ गइरहेको छ ।”

चाल्मर्सले राष्ट्रिय प्रसारणकर्ता एबीसीसँग भने, “यो जीत हाम्रो अपेक्षाभन्दा बाहिर रहेको थियो, यद्यपि, त्यो इतिहास रच्ने रात थियो र मतदाताले एक पटक फेरि आफ्नो अभिमत लेबर पार्टीको पक्षमा दिएका छन् ।”  उनले भने, “दबाबमा रहेका अस्ट्रेलियालीहरू ’अनिश्चित समयमा स्थिरता’ चाहन्छन्। यो जित ‘नम्रताको स्वस्थ सहयोग’ का साथ आएको हो।”

अल्बानिजले नवीकरणीय ऊर्जालाई अङ्गीकार गर्ने, कर कटौती गर्ने, बिग्रँदो आवास संकटको सामना गर्ने र कर्कश स्वास्थ्य सेवा प्रणालीमा लगानी गर्ने वाचा गरेका छन् । अस्ट्रेलियाको निर्वाचनले डट्टनको आप्रवासनलाई कम गर्ने, अपराधमा कडाई गर्ने र आणविक शक्तिमा लामो समयदेखिको प्रतिबन्ध हटाउने कुरालाई भन्दा स्थिरताको निरन्तरतालाई रोजेको छ ।