न्यूयोर्कमा दुईपटक डीडब्लुएईमा दोषी ठहर भइसकेका मेक्सिकन नागरिक आईसीईद्वारा पुनः गिरफ्तार

न्यूयोर्क – आप्रवासन तथा भन्सार प्रवर्तन निकाय (ICE) ले जुन ११ मा न्यूयोर्कको हडसनमा एक अवैध रूपमा अमेरिका प्रवेश गरेका मेक्सिकन नागरिक जुआन क्रुज–गालेगोसलाई गिरफ्तार गरेको छ। उनी विगतमा दुई पटक ड्राइभिङ्ग वाइल इन्टक्सिकेटेड (DWI) को गम्भीर अभियोगमा दोषी ठहर भइसकेका थिए।

क्रुजलाई २०२३ नोभेम्बर ७ मा आईसीईले पहिलोपटक सार्वजनिक सुरक्षामा खतरा देखाउँदै धरौटी रद्द गरी पक्राउ गरेको थियो। पछि २०२३ डिसेम्बर १५ मा कोलम्बिया काउन्टी अदालतको आदेशअनुसार उनलाई स्थानीय मुद्दाका लागि कोलम्बिया काउन्टी शेरीफको कार्यालयमा बुझाइएको थियो।

आदेशमा स्पष्ट रूपमा मुद्दा टुंगिएपछि फेरी आईसीईको हिरासतमा फिर्ता गर्नु पर्ने भनिए तापनि न्युयोर्क स्टेट पुलिसले आदेशको उल्लङ्घन गर्दै उनलाई स्वतन्त्र रूपमा रिहा गरेको थियो।

क्रुजको आपराधिक इतिहास यसप्रकार छ:

२०१३: पहिलो पटक डीडब्लुएई, नाबालक सवारीमा, बिना लाइसेन्स, सुरक्षा उपायको उल्लङ्घन लगायत थुप्रै अभियोग।
२०१४: नाबालक सवार अवस्थामा डीडब्लुएईमा दोषी ठहर, पाँच वर्षको परिवीषण।
२०१८: परिवीषण उल्लङ्घन गर्दै फेरि अवैध सवारी चलाएको अभियोग।
२०२३ मे, अगस्ट र अक्टोबर: पटक–पटक डीडब्लुएईमा पक्राउ, उच्च मात्रामा रक्तमा रक्सीको मात्रा (BAC ०.१८% वा बढी)।
२०२३ नोभेम्बर: चोरीको अभियोगमा पुनः पक्राउ।
२०२४ मे ६: अघिल्लो डीडब्लुएई अभियोगमा दोषी ठहर, पाँच वर्षको पुनः परिवीषण।

हाल क्रुज बफेलो संघीय बन्दीगृहमा हिरासतमा छन् र अमेरिका निर्वासन प्रक्रिया अघि बढाइएको छ। ICE ले न्यायालयको आदेशको अवज्ञा गर्दै राज्य अधिकारीहरूले उनलाई रिहा गर्नु चिन्ताजनक भएको बताएको छ।