एनवाईपीडीमा नयाँ ड्रोन समिति गठन, सार्वजनिक सुरक्षामा आधुनिक प्रविधिको प्रयोग
न्यूयोर्क- न्यूयोर्क सिटीका मेयर एरिक एडम्सले सार्वजनिक सुरक्षाका लागि ड्रोन प्रयोग विस्तार गर्न नयाँ “ड्रोन अपरेसन्स समिति” गठन गरिएको घोषणा गरेका छन्। यो समिति एनवाईपीडीको “ड्रोन एज़ फर्स्ट रिस्पोन्डर” कार्यक्रमको विस्तार हो, जसअन्तर्गत प्रहरी चौकीबाटै ड्रोन तुरुन्तै घटनास्थलमा पठाइनेछ।
सार्वजनिक सुरक्षा उपमहाप्रमुख काज डफ्रीलाई समितिको अध्यक्ष नियुक्त गरिएको छ। मेयर एडम्सले आपतकालीन अवस्थाहरू—जस्तै आतङ्कवादी आक्रमण, विरोध प्रदर्शन वा प्राकृतिक विपत्तिमा—द्रुत र प्रभावकारी प्रतिक्रिया दिन ड्रोन सहयोगी हुने बताए।
हाल ड्रोनहरू समुद्र किनारमा पौडिन गएका व्यक्तिहरूको सुरक्षामा, सबवे सर्फिङ रोक्न, फरार अपराधी ट्र्याक गर्न र अन्य सार्वजनिक सुरक्षासम्बन्धी काममा प्रयोग हुँदै आएका छन्।
डफ्रीका अनुसार, ड्रोनले केही सेकेन्डमै दृश्य उपलब्ध गराएर उद्धार र समन्वयमा सहयोग गर्छ, संरचना निगरानी गर्न र आपतकालीन सेवाहरू सुरक्षित राख्न मद्दत पुर्याउँछ। नयाँ समिति मार्फत शहरका विभिन्न विभागहरूबीच ड्रोन सञ्चालन समन्वय गरिनेछ।
