न्यु मेक्सिको विश्वविद्यालयमा गोलीकाण्ड: एकको मृत्यु, एक घाइते – संदिग्धको खोजी जारी 

न्यू मेक्सिको – न्यू मेक्सिको विश्वविद्यालयको छात्रावासभित्र शुक्रबार बिहान भएको गोलीकाण्डमा एक जनाको मृत्यु भएको छ भने अर्को व्यक्ति घाइते भएका छन्। विश्वविद्यालयले घटनापछि आफ्नो केन्द्रिय क्याम्पस बन्द गरेको छ र सर्वसाधारणलाई त्यहाँ नगर्न आग्रह गरेको छ।

विश्वविद्यालयको जानकारी अनुसार, गोली चलाएको आशंकामा एक व्यक्ति फरार छन् र उनी सशस्त्र हुन सक्ने आशंका गरिएको छ। प्रहरीले विद्यार्थी र कर्मचारीलाई सुरक्षित स्थानमा बस्न (shelter-in-place) आग्रह गरेको छ।

शुक्रबार बिहान ३:०० बजे स्थानीय समय अनुसार, Casas del Rio नामक छात्रावासमा गोली चलेको खबर आएपछि क्याम्पस प्रहरी घटनास्थलमा पुगेका थिए। प्रहरीले त्यहाँ दुई व्यक्तिलाई गोली लागेको अवस्थामा फेला पारे। तीमध्ये एकको मृत्यु भएको छ भने अर्काको अवस्था स्थिर छ र जीवनको जोखिम नरहेको जनाइएको छ।

विश्वविद्यालयमा नयाँ विद्यार्थीहरूको ओरिएन्टेसन कार्यक्रम बिहीबार र शुक्रबार तय गरिएको थियो। करिब २३,००० विद्यार्थी अध्ययनरत यस संस्थामा नयाँ विद्यार्थीहरूलाई छात्रावासमा राखिएको थियो। गोलीकाण्ड हुँदा धेरै विद्यार्थी छात्रावासमा रहेका थिए।

घटनास्थलमा विभिन्न कानुनी निकायहरू परिचालित भइसकेका छन् र अनुसन्धान जारी छ। हालसम्म संदिग्धको नाम वा विवरण सार्वजनिक गरिएको छैन।