क्यालिफोर्नियामा सानो विमान दुर्घटना : तीन जनाको शव फेला

क्यालिफोर्निया – क्यालिफोर्नियाको प्यासिफिक ग्रोभ नजिक जुलाई २६ मा भएको सानो विमान दुर्घटनामा परेर तीन जनाको मृत्यु भएको पुष्टि भएको छ।

मोन्टेरे काउन्टी शेरीफ कार्यालयले दिएको जानकारी अनुसार, दुर्घटनास्थलबाट तीन शवहरू बरामद गरिएको हो। कार्यालयका प्रवक्ता कमान्डर आन्द्रेस रोजासले शवहरूको पहिचान मृतकका परिवारजनलाई जानकारी दिएपछि मात्र सार्वजनिक गरिने बताएका छन्।

स्थानीय टेलिभिजन च्यानल KION र KSBWका अनुसार शवहरू अमेरिकी कोस्ट गार्डले उद्धार गरेका हुन्।

संघीय विमान प्रशासन (FAA)ले प्रारम्भिक वक्तव्यमा जनाएअनुसार, उक्त दुर्घटनाग्रस्त विमान Beechcraft BE55 मा तीन जना सवार थिए। विमान जुलाई २६ को राति हराएको घोषणा गरिएको थियो।

FlightAware बाट प्राप्त उडान विवरण अनुसार, विमान N8796R सान कार्लोस एयरपोर्टबाट राति १०:११ बजे उडेको र मोन्टेरे रीजनल एयरपोर्टतर्फ जाँदै गर्दा प्यासिफिक ग्रोभमाथि फर्किएको देखिन्छ। राति १०:३७ बजेपछि विमानको ट्र्याक हराएको थियो।

Cal Fire का अनुसार केही स्थानीय बासिन्दाले विमानको इन्जिनको आवाज सुनेपछि समुद्रमा ठूलो छपक्क परेको आवाज सुनिएको बताएका छन्।