अमेरिकामा रोजगारी तथ्यांक सार्वजनिक गर्ने प्रमुख बर्खास्त, ट्रम्पको निर्णयले बजारमा हडबडी
वासिङ्टन- अमेरिकी राष्ट्रपति डोनाल्ड ट्रम्पले रोजगारीसम्बन्धी महत्त्वपूर्ण तथ्यांक सार्वजनिक गर्ने निकाय, श्रम तथ्यांक ब्युरोकी प्रमुख एरिका म्याकएन्टर्फरलाई बर्खास्त गरेका छन्। कमजोर रोजगारी प्रतिवेदन आएपछि ट्रम्पले राजनीतिक उद्देश्यका लागि तथ्यांक “चलखेल” गरिएको आरोप लगाउँदै उनलाई पदबाट हटाएका हुन्।
यस निर्णयले वाल स्ट्रिटलाई चकित बनाएको छ भने आर्थिक तथ्यांकको निष्पक्षतामाथि गम्भीर प्रश्न उठेको छ। म्याकएन्टर्फरले बर्खास्तीपछि आफ्नो कार्यकाललाई “जीवनको सबैभन्दा ठूलो सम्मान” भन्दै प्रतिक्रिया दिएकी छिन्।
श्रम विभाग अन्तर्गतको BLS ले जुलाईमा मात्र ७३,००० रोजगारी थपिएको जानकारी दिएको थियो, जुन अपेक्षाभन्दा निकै कम हो। साथै, मे र जुन महिनाको रोजगारी वृद्धि पनि २,५०,०००ले घटाएर संशोधन गरिएको थियो।
ट्रम्पको टैरिफ नीतिका कारण बजारमा अस्थिरता आएको छ। अमेरिकासहित विश्व बजारमा गिरावट देखिएको छ। S&P 500 सूचकांक १.६% ले झर्यो भने डाउ जोन्स १.२% र नासडाक २.२% ले घटेका छन्।
BLS की उपप्रमुख विलियम वियाट्रोस्कीलाई अन्तरिम प्रमुखको रूपमा नियुक्त गरिएको छ। विश्लेषकहरूले सरकारी तथ्यांकमा हस्तक्षेपले दीर्घकालीन असर पार्न सक्ने चेतावनी दिएका छन्।
