ट्रम्पद्वारा वाशिङ्टन डी.सी.मा संघीय सुरक्षाकर्मीको उपस्थिति बढाउने आदेश
वाशिङ्टन-राष्ट्रपति डोनाल्ड ट्रम्पले वाशिङ्टन डी.सी.मा बढ्दो अपराध दरको आलोचना गर्दै शुक्रबारदेखि संघीय सुरक्षाकर्मीहरूको उपस्थिति उल्लेखनीय रूपमा बढाउने आदेश दिएका छन्।
व्हाइट हाउसका अनुसार सात दिनको अभियान युएस पार्क पुलिसको नेतृत्वमा पर्यटक भीड हुने क्षेत्र र अपराधका हॉटस्पटमा केन्द्रित हुनेछ। यसमा होमल्यान्ड सेक्युरिटी, एफबीआई, क्यापिटल पुलिस, मेट्रोपोलिटन पुलिस, यूएस मार्शलसहित विभिन्न निकायका अधिकारीहरू सहभागी हुनेछन्।
ट्रम्पले हालै एक कारज्याकिङ घटनालाई उदाहरण दिँदै १४ वर्षदेखि नै गम्भीर अपराध गर्ने किशोरलाई वयस्कको रूपमा सजाय दिनुपर्ने बताएका छन्। साथै, आवश्यक परे संघीय सरकारमार्फत डी.सी. प्रशासनको नियन्त्रण लिन सक्ने चेतावनी पनि दिएका छन्।
स्थानीय तथ्यांकअनुसार हिंसात्मक अपराध गत वर्षको तुलनामा २६% ले घटेको भए पनि ट्रम्पले डी.सी.लाई “अत्यधिक समयदेखि हिंसात्मक अपराधले ग्रस्त” भएको बताउँदै कानूनी कडाइ गर्ने घोषणा गरेका छन्।
