जापानको पहिलो महिला प्रधानमन्त्रीका रूपमा साने ताकाइची निर्वाचित
टोकियो – सत्तारूढ लिबरल डेमोक्र्याटिक पार्टीकी अध्यक्ष साने ताकाइची मंगलबार जापानकी पहिली महिला प्रधानमन्त्री निर्वाचित भएकी छन्।
संसदमा भएको मतदानमा ताकाइचीलाई एलडीपीको नयाँ गठबन्धन सहकर्मी जापन इन्नोभेशन पार्टीको समर्थन प्राप्त भएको हो। उनी पूर्व प्रधानमन्त्री शिगेरु इसिबा की उत्तराधिकारी बनेकी हुन्।
६४ वर्षीया ताकाइचीले संसदको तल्लो सदनमा २३७ मत पाएर विजय हासिल गरिन्। माथिल्लो सदनमा भने उनले १२५ मत ल्याउँदै मुख्य विपक्षी नेता योशिहिको नोदालाई पराजित गरिन्।
ताकाइचीले आफ्नो नयाँ मन्त्रिपरिषदमा महिला नेतृत्वलाई प्राथमिकता दिने संकेत दिएकी छिन्। उनले सात्सुकी कटायामालाई अर्थमन्त्री र किमी ओनोडालाई आर्थिक सुरक्षा मन्त्री बनाउने तयारी गरेकी छन्।
रक्षामन्त्रीका रूपमा शिन्जिरो कोइजुमी र परराष्ट्रमन्त्रीमा तोशिमित्सु मोटेगी नियुक्त हुने अपेक्षा गरिएको छ।
पूर्व गृह मन्त्रालयकी मन्त्री रहिसकेकी ताकाइचीलाई “सुरक्षा हक र आर्थिक सुधारकी समर्थक नेतृ”का रूपमा चिनिन्छ। उनले हालै गठबन्धन टुटेपछि JIP सँग नयाँ सहकार्य गर्दै सत्ता निरन्तरता कायम राखेकी हुन्।
