न्यूयोर्कको रेल स्टेशनमा नवजात शिशु फेला
न्यूयोर्क- म्यानह्याटनस्थित पेन स्टेशनको प्लेटफर्ममा एक नवजात शिशु सोमबार बिहान फेला परेकी छन्।
पुलिसका अनुसार बिहान करिब १० बजेअघि ३४औँ सडक-पेन स्टेशनको दक्षिणमुखी प्लेटफर्ममा शिशु भेटिएकी थिइन्। शिशु होसमा र स्वस्थ अवस्थामा थिइन् र उनलाई परीक्षणका लागि बेल्भ्यू अस्पताल लगिएको हो।
घटनाको समयमा रेल सेवामा कुनै ढिलाइ भएको थिएन। पुलिसले घटनाको अनुसन्धान सुरु गरेको जनाएको छ।
न्यूयोर्क राज्यको कानुनअनुसार, अभिभावकले ३० दिनभित्रका नवजात शिशुहरूलाई अस्पताल, प्रहरी वा दमकल केन्द्र जस्ता सुरक्षित स्थानमा सुरक्षित रूपमा छोडेमा कानुनी कारबाही नहुने व्यवस्था छ।
