उदाउँदो सूर्यलाई अर्घ दिँदै मधेसमा छठ सम्पन्न, ‘छठके सनेस’ सुरु
काठमाडौं – आज बिहान सूर्योदयसँगै मधेसभर छठ धुमधामसँग सकिएको छ। पञ्चमीमा निराहार बसेका बर्तालुले सातुमात्र खाएर ३० घण्टाभन्दा बढी व्रत काटेपछि आज उदाउँदो घामलाई अर्घ दिएर पर्व पूरा गरे।
महोत्तरीतिर बिहानै बादलले घाम लुकाए पनि बर्तालुहरू कटाइदिँदै गीत गाउँदै पर्खिरहे। घाम झुल्केपछि पानीमा उभिएर अर्घ दिए। यही विधिलाई मिथिला भाषामा ‘भोरका अरख’ वा ‘पारन’ भन्ने गरिन्छ।
यसअघि शनिबार ‘नहाय–खाय’ गर्दै सुरु भएको छठमा आइतबार ‘खरना’, अनि सोमबार अस्ताउँदै गरेको सूर्यलाई अर्घ दिने ‘सझुका अरख’ गरिसकिएको थियो।
बर्तालुहरू घर फर्किएपछि अहिले घर–घरमा प्रसाद बाँड्ने माहोल छ। ठकुवा, थाकुवा, फलफूल जस्ता प्रसाद छोरीचेली र आफन्ततिर पठाउन थालिएको छ। यसैलाई यहाँ ‘छठके सनेस’ भन्छन्।
मिथिलाबाट सुरु भएको यो पर्व अहिले काठमाडौंदेखि देशैभर रंगीन रूपमा मनिन थालेको छ। छुट्टै संस्कृति जगेर्नासँगै छठले पहाड–मधेसको दूरी अझै नजिक ल्याएको धेरैको बुझाइ छ।
