मुस्ताङमा कात्तिकमै हिउँ : कागबेनी-मुक्तिनाथ यात्रा बन्द गर्न आग्रह
काठमाडौं – कात्तिकमै उपल्लो मुस्ताङ हिउँले सेताम्य भएको छ। आज बिहानदेखि कोरलानाका, लोमान्थाङदेखि मुक्तिनाथसम्म बाक्लो हिउँ परेपछि जनजीवन प्रभावित बनेको छ।
प्रमुख जिल्ला अधिकारी विष्णु भुसालका अनुसार उच्च लेकसँगै तल्लो मुस्ताङका केही ठाउँमा पनि वर्षासँगै हिउँ झरिरहेछ। मुक्तिनाथ विकास समितिका रविन सुवेदी भन्छन् , “मन्दिरतिर पाँच–छ इन्चजति हिउँ जमिसकेको छ, अझै परिरहेछ।”
लोघेकर दामोदरकुण्डका अध्यक्ष लोप्साङ विष्टले कात्तिकमै हिउँ परेपछि किसानहरू खुसी भएको बताए। “हिउँले जमिन भिजाउँछ, बाली राम्रो हुन्छ,” उनले भने।
वारागुङ मुक्तिक्षेत्रका खिङ्गादेखि फल्याकलगायत गाउँहरूमा चिसो एकाएक बढेको छ।
यसबीच, कागबेनीदेखि मुक्तिनाथसम्मको यात्रा रोक्न प्रशासनले आग्रह गरेको छ।
सडकमा बाक्लो हिउँ जमेकाले सवारी दुर्घटनाको खतरा बढेको जिल्ला प्रहरी कार्यालयका डीएसपी छिरिङ किप्पा लामाले बताए।
सडकका कालोभिर, खिङ्गा, झारकोटतिर खासै जोखिम बढेपछि “आजभोलि पहाड चढेर मुक्तिनाथ नजानु” अधिकारीहरूको चेतावनी छ।
